تۇركىستان وبلىسىنىڭ پوليتسەيلەرى دەمالىس ورنىندا وزىمەن بىرگە ەسىرتكى زاتىن الىپ جۇرگەن جاس قىزدى ۇستادى, دەپ حابارلايدى Egemen.kz.
تۇركىستان وبلىسىنىڭ پوليتسەيلەرى ەسىرتكىگە قاتىستى قىلمىستاردىڭ الدىن الىپ, بولدىرماۋ ماقساتىندا بىرقاتار رەيدتىك-پروفيلاكتيكالىق ءىس-شارالاردى وتكىزۋدە. وسى تۇستا تۇركىستان وبلىسى پد ەسىرتكى قىلمىسىنا قارسى ءىس-قيمىل باسقارماسىنا قازىعۇرت اۋدانىندا ورنالاسقان دەمالىس ورىندارىنىڭ بىرىندە بايدىبەكتىك ازاماتشانىڭ پسيحوتروپتى ەسىرتكى زاتىن تۇتىنىپ جانە وزىمەن بىرگە تاسىمالداپ جۇرگەنى تۋرالى جەدەل اقپارات تۇسكەن.
تەكسەرۋ بارىسىندا ونىڭ قول سومكەسىنىڭ ىشىنەن پاكەتكە سالىنىپ, يزولەنتاعا ورالعان ءۇش دانا اق-سارى ءتۇستى پسيحوتروپتىق ەسىرتكىگە ۇقساس زات, ەكى امپۋلا «مەداكس» تابلەتكاسى جانە جەتى دانا شپريتس تاركىلەنىپ الىندى. قازىرگى تاڭدا كۇدىكتى ازاماتشاعا قاتىستى قر قك-ءنىڭ 296-بابى 2-بولىگى «ەسىرتكى, پسيحوتروپتىق زاتتارمەن, سول تەكتەستەرمەن وتكىزۋ ماقساتىنسىز زاڭسىز جۇمىس» بويىنشا تىركەلىپ, سوتقا دەيىنگى تەرگەۋ امالدارى باستالدى. ءتيىستى سوت-ساراپتاماسى تاعايىندالدى. ساراپتاما قورىتىندىسىمەن الىنعان وسىمدىك ءبىر گرامعا جۋىق سينتەتيكالىق ەسىرتكىلەر «ەفەدرون» جانە «مەفەدرون» بولىپ شىقتى.