ەۋرووداققا مۇشە ەلدەردەن اكەلىنگەن كولىكتەر قازاقستاننان شىعارىلمايدى, دەپ جازادى Egemen.kz azattyq-ruhy.kz-كە سىلتەمە جاساپ.
ەلىمىزدە جۇرگەن شەتەلدىك اۆتوكولىكتەر سانى 3 مىڭعا جۋىقتايدى.
وسىعان بايلانىستى قر قارجى مينيسترلىگىنىڭ ءباسپاسوز حاتشىسى الىبەك ءابدىلوۆ مالىمدەمە جاسادى.
ونىڭ ايتۋىنشا, رەسەي, قىرعىزستان, بەلارۋس جانە ارمەنيا ەلىنىڭ ءنومىرى بار كولىكتەر ءازىر ەل اۋماعىنان شىعارىلمايدى. ەۋرووداققا مۇشە ەمەس ەلدەردەن كەلگەن كولىكتەر عانا 30-قىركۇيەككە دەيىن قازاقستاننان شىعارىلادى نەمەسە ولارعا باج سالىعىن تولەۋ مىندەتتەلەدى. ال, جوعارىدا اتالعان كولىكتەر ءۇشىن ەشقانداي شەكتەۋ قويىلمايدى.
«رەسەي, قىرعىزستان, بەلارۋس, ارمەنيا ءنومىرى بار اۆتوكولىكتەرگە قازاقستاندا جۇرۋگە شەكتەۋ جوق. قازاقستاندا ءبىر جىلدان اسقان باسقا بارلىق شەتەلدىك ماشينالار ءبىزدىڭ ەلدىڭ اۋماعىنان عانا ەمەس, سونىمەن قاتار رەسەي, قىرعىزستان, ارمەنيا, بەلارۋس ەلدەرىنەن دە شىعارىلۋى كەرەك. ويتكەنى بۇل ەلدەر ەۋروازيالىق ەكونوميكالىق وداق اياسىندا كەدەن كودەكسىن بەكىتتى», دەيدى قر قارجى مينيسترلىگىنىڭ ءباسپاسوز حاتشىسى الىبەك ءابدىلوۆ.