اينالانى تازا ۇستاۋ مادەنيەتىن بۇگىن-ەرتەڭ قالىپتاستىرا الماسىمىز حاق. سول ءۇشىن دە عوي, كوكتەم مەن كۇزدە وزەن-كولدەردىڭ جاعاسىنان قاپ-قاپ قوقىس شىعارامىز. وتكەن اپتادا وسكەمەندە ء«بىر وزەن – ءبىر تاعدىر» اتتى حالىقارالىق ەكولوگيالىق اكتسياسى ۇيىمداستىرىلىپ, ەرتىس وزەنىنىڭ جاعالاۋى تازارتىلدى.
تازالىق اكتسياسى العاشىندا سوناۋ ساۋىر تاۋدىڭ ەتەگىنەن, زايسان اۋدانىنان باستاۋ العان. ۇيىمداستىرۋشىلاردىڭ ايتۋىنشا, يگى شاراعا ەرتىستىڭ بويىنداعى تۇرعىندار قاتىسادى.
– ء«بىر وزەن – ءبىر تاعدىر» حالىقارالىق اكتسياسى ەرتىس وزەنى اعىپ وتەتىن اۋداندار ءۇشىن ۇيىمداستىرىلىپ وتىر. قازىرگى تاڭدا پاۆلودار وبلىسى جانە رەسەي فەدەراتسياسىنداعى ارىپتەستەرىمىزبەن كەلىسىپ جاتىرمىز. ءوزىمىز وسكەمەندەگى ەرتىستىڭ بويىن بارىنشا تازالاپ ءجۇرمىز. قالا تۇرعىندارىن دا تازالىق شاراسىنا اتسالىسۋعا شاقىرامىز, – دەدى وبلىستىق جاستار رەسۋرستىق ورتالىعىنىڭ باسشىسى ارايلىم ەسىمبەكوۆا.
اكتسيا اياسىندا وزەن جاعاسىنا جينالىپ قالعان قوقىستار تازارتىلدى. وكىنىشتىسى, دەمالۋعا بارعان ازاماتتاردىڭ قورشاعان ورتاعا سالعىرت قارايدى. بۇگىنگى كۇنمەن عانا ءومىر سۇرەتىندەي بولىپ كورىنەدى. مىسالى, پلاستيك بوتەلكە, پوليەتيلەن دوربا جۇزدەگەن جىل شىرىمەيدى, شىرىگەننىڭ وزىندە زياندى زات بولەدى. كەشەگى وتكەن بابالارمىز اماناتتاعان جەردى ەرتەڭگى ۇرپاققا تاپ-تازا قالپى قالدىرا الماساق, ادامي قاسيەتتەن الىستاپ كەتكەنىمىز ەمەس پە؟!
– قوقىس اسپاننان تۇسپەيدى, مادەنيەتى, ورەسى تومەن تۇرعىندار شاشادى. ال تابيعات جاناشىرلارى جينايدى. وسىعان بايلانىستى وسكەمەن قالاسىنىڭ ءماسليحات دەپۋتاتتارى بۇل پروبلەمانى قولعا الدى. ياعني تابيعات اياسىندا قوقىس شاشقان ازاماتتارعا ايىپپۇل سالۋ ماسەلەسى قارالۋدا, – دەدى ا.ەسىمبەكوۆا.
وزەن بويىن تازالاۋعا ەرىكتى جاستار ءبىر كىسىدەي كىرىستى. كوڭىلدى توپتار ءاپ-ساتتە ات شاپتىرىمداي اۋماقتى مۇنتازداي ەتتى. وسىدان بىلاي قوقىسىن كورىنگەن جەرگە تاستاي سالاتىن تۇرعىندار تىم بولماعاندا ەرىكتىلەردىڭ ەڭبەگىن ەسكەرىپ, جيناقى جۇرەتىن شىعار. ەندى ەرىكتىلەر, Birgemiz: Taza Álem ۆولونتەرلىك باعىتىن دامىتۋدى كوزدەپ وتىر.
وسكەمەن قالاسى جاستار رەسۋرستىق ورتالىعىنىڭ ۇيىمداستىرۋىمەن وتكەن شاراعا «كازتسينك» جشس-ءنىڭ بەلسەندى جاستارى, ء«ۇمز» اق جانىنداعى جاستار قوزعالىسىنىڭ مۇشەلەرى, «اسكەري-تەحنيكالىق مەكتەبىنىڭ» كۋرسانتتارى جانە وسكەمەن جەو باستاماشىل توبى قاتىستى.
شىعىس قازاقستان وبلىسى