ءال-فارابي اتىنداعى شىمكەنت قالالىق عىلىمي-امبەباپ كىتاپحاناسىندا اسا قۇندى رۋحاني, ەستەتيكالىق نەمەسە قۇجاتتامالىق بەلگىلەرىنە وراي جانە ەرەكشە عىلىمي, تاريحي جانە مادەني ماڭىزى بار كىتاپتار مەن قولجازبالاردى ساقتاۋ جانە پايدالانۋ ماقساتىندا باسىلىمداردىڭ تاريحي, كوركەمدىك قۇندىلىعى نەگىزىندە قۇندى دۇنيەلەر ساقتالاتىن سيرەك كىتاپتار قورى ءبولىم بار, دەپ حابارلايدى Egemen.kz.
1960 جىلعا دەيىن جارىق كورگەن وتاندىق جانە شەتەلدىك باسىلىمدار جيناعى, سونىمەن قاتار ورىس جانە شەت تىلدەرىندەگى كەيىنگى كەزەڭدەگى باسىلىمداردان قۇرىلعان تاريحي جانە كونە كىتاپتار جيىنتىعىن قامتيدى.
قور قۇرامىنا كونە كىتاپتار (كولەمدى كىتاپتار, شاعىن كىتاپتار, اۆتورلار قولتاڭباسى, فاكسيميلدى, باسپا باسىلىمدارى), بروشيۋرالار, بۋكلەتتەر, گازەتتەر مەن جۋرنالداردىڭ جەكە ۇلگىلەرى, جازبالار, كارتالار كىرەدى.
جالپى بولىمدە 5 مىڭعا جۋىق كىتاپ قورى بار. قورداعى ەڭ كونە كىتاپ – اعىلشىن جازۋشىسى ۆ.سكوتتىڭ 1824 جىلى جارىق كورگەن «قىزىل قولعاپ» كىتابى. (Walter Scott. Redgauntlet: A Tale of the Eighteenth Century. Vol.II. Printed for Archibald Constable and Co. Edinburgh; And Hurst, Robinson and Co». - London, 1824.) بۇل كىتاپ قورى وقىرماندار ءۇشىن تاپتىرماس مول مۇرا.