تۇركىستان وبلىسىنىڭ پوليتسەيلەرى اۋلاسىندا ەسىرتكى ەككەن تۇرعىندى ۇستادى, دەپ حابارلايدى Egemen.kz Polisia.kz-كە سىلتەمە جاساپ.
تولەبي اپب-عا جەرگىلىكتى تۇرعىنداردىڭ زاڭسىز ەسىرتكى وسىرۋمەن اينالىسىپ جۇرگەندىگى تۋرالى حابارلاما ءتۇستى. پوليتسيا قىزمەتكەرلەرى اۋلاسىنا ەسىرتكى زاتىنا ۇقساس وسىمدىكتى وسىرگەن جەرگىلىكتى تۇرعىندى ۇستادى.
كۇدىكتىنىڭ اۋلاسىنان ءۇش دانا «سورا» ەسىرتكى زاتىنا ۇقساس وسىمدىكتى تامىرىمەن بىرگە توپىراقتان شىعارىپ, زاتتاي دالەل رەتىندە الدى.
اتالعان جايت سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە ەنگىزىلىپ, قر قك-ءنىڭ 300-بابى «قۇرامىندا ەسىرتكى زاتتار بار, وسىرۋگە تىيىم سالىنعان وسىمدىكتەردى زاڭسىز ەگىپ ءوسىرۋ» بويىنشا قىلمىستىق ءىس قوزعالدى.
قازىرگى تاڭدا وسى وقيعاعا بايلانىستى سوت ساراپتاماسى تاعايىندالىپ, تەرگەپ-تەكسەرۋ امالدارى ءجۇرىپ جاتىر.