نۇر-سۇلتاندا ەكولوگيالىق سەنبىلىك ءوتتى

سەنبىلىككە جالپى سانى 67 ادام قاتىستى.

«تازالاۋ جۇمىستارى جۇرگىزىلگەن اۋماق 4,4 كم قۇرادى», دەپ حابارلايدى قالا اكىمدىگىنىڭ رەسمي سايتى. 

سەنبىلىك بارىسىندا قاتىسۋشىلار 4 ۋچاسكەگە ءبولىندى.

ءبىرىنشى توپ ىرىسكەلدى قاجى مەشىتىنەن سەيفۋللين كوشەسىنە دەيىن جۇمىس ىستەدى. ەكىنشى توپ سەيفۋللين كوشەسىنەن تىلەنديەۆ كوشەسىنە دەيىنگى الاڭدى تازارتتى. ءۇشىنشى توپ مىڭارال كوشەسىنە دەيىن جۇمىس ىستەسە, ءتورتىنشى توپ مىڭارال كوشەسىنەن قاراساي باتىر كوشەسىنە دەيىن جانە ت/ج جولدارىنا دەيىن سەنبىلىك وتكىزدى. 

ۋچاسكەلەردە ءتۇرلى قوقىستار مەن قاتتى تۇرمىستىق قالدىقتاردى, سۋ بەتىن تازارتىپ, جاپىراقتار مەن اعاش بۇتاقتارىن جينادى, ارتىق وسىمدىكتەردى شاۋىپ, تازالادى. بارلىعى 5,58 توننا وسىمدىك قالدىعى مەن قتق جينالىپ, شىعارىلدى. 

«ەلوردا اكىمدىگى قالا قوناقتارى مەن تۇرعىندارىنان قورشاعان ورتاعا ۇقىپتى قاراۋدى, قوقىستى ارنايى بولىنگەن كونتەينەرلىك جانە قوقىس باكتارىنا تاستاۋدى سۇرايدى», دەپ جازىلعان حابارلامادا.