قازاقستاندىقتاردى ينتەرنەت ارقىلى الداعان جامبىلدىق ازامات ۇستالدى, دەپ حابارلايدى Egemen.kz Polisia.kz-كە سىلتەمە جاساپ.
پاۆلودار وبلىسى پوليتسيا دەپارتامەنتى باستىعىنىڭ ورىنباسارى راشاد وتەۋوۆتىڭ ايتۋىنشا, جامبىل وبلىسىنىڭ تۇرعىنى Instagram الەۋمەتتىك جەلىسىنەن فەيك پاراقشا اشىپ, ءوزىن قىز رەتىندە تانىستىرعان. باسقا قولدانۋشىلارعا قىسقا مەرزىمدە ءىرى تابىس تابۋدى ۇسىنعان. ول ۇشىن «العا جىلجىتۋ» دەپ اتالاتىن ينۆەستيتسيالىق جوبانى تانىستىرىپ, «1Xbet» بۋكمەكەرلىك كەڭسەسىندەگى شوتىنا اقشا اۋدارۋدى سۇراعان.
پوليتسيا بۇگىنگى كۇنى كۇدىكتىنىڭ رەسپۋبليكا بويىنشا 50 ادامعا زارار كەلتىرگەنىن مالىمدەدى. جابىرلەنۋشىلەر 10-نان 200 مىڭ تەڭگەگە دەيىن اقشا سالعان.
كۇدىكتى انىقتالىپ, ۇستالدى. اتالعان فاكتىلەر بويىنشا قازاقستان رەسپۋبليكاسى قك-ءنىڭ 190-بابى 2-تارماعىنىڭ 4-بولىگى بويىنشا سوتقا دەيىنگى تەرگەۋ ءجۇرىپ جاتىر.