قر ىشكى ىستەر مينيسترلىگى جۋرناليست قالىبەك اتجاننىڭ ولىمىنە بايلانىستى تەكسەرۋ جۇرگىزىپ جاتىر. جۋرناليست Facebook پاراقشاسىندا اينا باكەەۆا ۇسىنعان تىنىس الۋ جاتتىعۋىنان كەيىن دەنساۋلىعىنىڭ ناشارلاعاندىعىن جازعان بولاتىن, دەپ حابارلايدى Egemen.kz.
«2021 جىلدىڭ 11 تامىزىندا قازاقستاندىق جۋرناليست قالىبەك اتجاننىڭ 9 تامىزدا قايتىس بولۋ فاكتىسى بويىنشا شاعىم ءتۇستى. ول 7 تامىزدا Facebook الەۋمەتتىك جەلىسىندەگى جەكە پاراقشاسىندا ا.باكەەۆا ۇسىنعان تىنىس الۋ جاتتىعۋىنان كەيىن دەنساۋلىعىنىڭ ناشارلاعاندىعىن حابارلاعان بولاتىن.
2011 جىلدىڭ 11 تامىزىندا اتالعان شاعىم ءىىم اقپاراتتاردى تىركەۋ كىتابىنا تىركەلدى جانە قىلمىستىق-پروتسەستىك كودەكستىڭ 181-بابى 5-تارماعى تارتىبىمەن تيىسىنشە تەكسەرۋ جۇرگىزۋ ءۇشىن قر دەنساۋلىق ساقتاۋ مينيسترلىگى مەديتسينالىق جانە فارماتسەۆتيكالىق باقىلاۋ كوميتەتىنىڭ جامبىل وبلىستىق دەپارتامەنتىنە ودان ارى بەرۋ ماقساتىندا جامبىل وبلىستىق پوليتسيا دەپارتامەنتىنە جىبەرىلدى», دەلىنگەن قر ءىىم تاراتقان اقپاراتتا.
ۆەدومستۆو مالىمەتىنشە, جامبىل وبلىستىق پوليتسيا دەپارتامەنتى تەكسەرۋىنىڭ قورىتىندىسىندا پروتسەستىك شەشىم قابىلدانادى.