2013 جىلعى 31 جەلتوقسان, استانا, ۇكىمەت ءۇيى
«مەملەكەتتىك كورسەتىلەتىن قىزمەتتەردى وڭتايلاندىرۋ جانە اۆتوماتتاندىرۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2013 جىلعى 26 تامىزداعى № 845 قاۋلىسىنا وزگەرىستەر مەن تولىقتىرۋ ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:1. «مەملەكەتتىك كورسەتىلەتىن قىزمەتتەردى وڭتايلاندىرۋ جانە اۆتوماتتاندىرۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2013 جىلعى 26 تامىزداعى № 845 قاۋلىسىنا مىناداي وزگەرىستەر مەن تولىقتىرۋ ەنگىزىلسىن:10 جانە 11-تارماقتار مىناداي رەداكتسيادا جازىلسىن: «10. تەكسەرۋ جۇرگىزۋ ءۇشىن جاۋاپتى مەملەكەتتىك ورگان:1) ءوز قىزمەتكەرلەرىنىڭ, مۇددەلى مەملەكەتتىك ورگاندار, ۋاكىلەتتى ورگان, كورسەتىلەتىن قىزمەتتى بەرۋشىلەر, جەكە كاسىپكەرلىك سۋبەكتىلەرىنىڭ اككرەديتتەلگەن بىرلەستىكتەرى وكىلدەرىنىڭ, جاۋاپتى مەملەكەتتىك ورگاننىڭ قارالىپ وتىرعان قىزمەت سالاسىنداعى تاۋەلسىز ساراپشىلارىنىڭ قاتارىنان جۇمىس توبىن (بۇدان ءارى - جۇمىس توبى) قۇرادى;2) الەۋمەتتىك جەلىلەردەگى ءوزىنىڭ پاراقتارىندا, سونداي-اق مەملەكەتتىك ورگانداردىڭ رەسمي ينتەرنەت-رەسۋرستارىندا «ەلەكتروندىق ۇكىمەت» ۆەب-پورتالى ارقىلى مەملەكەتتىك ورگاننىڭ قۇزىرەتىنە كىرەتىن كورسەتىلەتىن مەملەكەتتىك قىزمەتتەردى وڭتايلاندىرۋ جانە اۆتوماتتاندىرۋ جونىندە ۇسىنىستار جيناۋدىڭ باستالعانى تۋرالى حابارلاندىرۋدى ورنالاستىرادى.مۇددەلى مەملەكەتتىك ورگاندار, ۋاكىلەتتى ورگان, كورسەتىلەتىن قىزمەتتى بەرۋشىلەر, جەكە كاسىپكەرلىك سۋبەكتىلەرىنىڭ اككرەديتتەلگەن بىرلەستىكتەرى, تاۋەلسىز ساراپشىلار جاۋاپتى مەملەكەتتىك ورگاننىڭ سۇراتۋى بويىنشا جەتى جۇمىس كۇنىنەن كەشىكتىرمەي جۇمىس توبىنىڭ قۇرامى جونىندەگى ۇسىنىستارىن جىبەرەدى.11. تەكسەرۋ جۇرگىزۋ باستالعان ساتتەن باستاپ جاۋاپتى مەملەكەتتىك ورگان:1) جۇمىس توبىنىڭ مۇشەلەرىن مەملەكەتتىك كورسەتىلەتىن قىزمەتتى تەكسەرۋ ءۇشىن قاجەتتى اقپاراتپەن, قۇجاتتارمەن, نورماتيۆتىك قۇقىقتىق اكتىلەرمەن, ادىسكەرلەر, جاۋاپتى مەملەكەتتىك ورگاننىڭ باسقا دا قۇزىرەتتى تۇلعالارى تاراپىنان كونسۋلتاتسيالارمەن, سونداي-اق جۇمىس ورىندارىمەن, كەڭسەلىك تەحنيكامەن, بايلانىسپەن جانە باسقا دا ماتەريالدارمەن;2) «ەلەكتروندىق ۇكىمەت» ۆەب-پورتالىندا قاجەتتى قۇجاتتاردى, نورماتيۆتىك قۇقىقتىق اكتىلەردى ورنالاستىرۋدى جانە كورسەتىلەتىن مەملەكەتتىك قىزمەتتەردى وڭتايلاندىرۋ مەن اۆتوماتتاندىرۋ جونىندە كەلىپ تۇسكەن ۇسىنىستار بويىنشا كەرى بايلانىستى قامتاماسىز ەتەدى.»;مىناداي مازمۇنداعى 11-1-تارماقپەن تولىقتىرىلسىن:«11-1. مەملەكەتتىك ورگان «ەلەكتروندىق ۇكىمەت» ۆەب-پورتالىندا ءوز قۇزىرەتى شەڭبەرىندە كورسەتىلەتىن مەملەكەتتىك قىزمەتتەردى وڭتايلاندىرۋ جەنە اۆتوماتتاندىرۋ جونىندەگى حالىقتىڭ جينالعان ۇسىنىستارىنا تالداۋ جۇرگىزەدى جانە ونى تەكسەرۋ جۇرگىزۋ كەزىندە ەسەپكە الادى.».2. وسى قاۋلى العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى س.احمەتوۆ.