قىرعىزستان قازاقستاننان شەكاراداعى شەكتەۋلەردى الىپ تاستاۋدى سۇرادى. بۇل تۋرالى قىرعىزستان ءسىم باسشىسى رۋسلان قازاقباەۆتىڭ قازاقستان ەلشىسى ءراپىل جوشىباەۆپەن كەزدەسۋىندە ايتىلعان, دەپ حابارلايدى Egemen.kz.
كەزدەسۋ 12 تامىزدا قازاقستان تاراپىنىڭ باستاماسى بويىنشا ءوتتى.
«تاراپتار قىرعىز-قازاقستان قاتىناستارىنىڭ ساياسي, ساۋدا-ەكونوميكالىق, مادەني-گۋمانيتارلىق, شەكارا ماڭى سالالارىنداعى وزەكتى ماسەلەلەرىنىڭ كەڭ اۋقىمىن تالقىلادى. مەملەكەت باسشىلارى اراسىندا قول جەتكىزىلگەن ۋاعدالاستىقتاردىڭ جۇزەگە اسىرىلۋ بارىسى, سونداي-اق حالىقارالىق ۇيىمدار مەن وڭىرلىك بىرلەستىكتەر شەڭبەرىندەگى ءوزارا ءىس-قيمىل ماسەلەلەرى جونىندە پىكىر الماستى», دەلىنگەن حابارلامادا.
ساۋدا-ەكونوميكالىق جانە ينۆەستيتسيالىق ىنتىماقتاستىق جەلىسى بويىنشا قوس تاراپ ىسكەرلىك كەڭەستى جانداندىرۋ, اۋىل شارۋاشىلىعى وندىرۋشىلەرىنە ىڭعايلى بولۋ ءۇشىن شەكارا ماڭىنداعى اۋماقتاردا بىرلەسكەن ساۋدا-لوگيستيكالىق ورتالىقتار قۇرۋدى جەدەلدەتۋ, سونداي-اق جۇك ءترانزيتى ماسەلەلەرىن تالقىعا سالدى.
«قىرعىز تاراپى ەكى ەلدىڭ اۋماعى ارقىلى ازاماتتار مەن كولىك قۇرالدارىنىڭ ەركىن قوزعالىسى مەن ءترانزيتى ماقساتىندا قىرعىزستان ازاماتتارىنىڭ قازاقستانعا كىرۋىنە شەكتەۋ شارالارىن الىپ تاستاۋ قاجەتتىگىنە ەرەكشە نازار اۋداردى», دەلىنگەن حابارلامادا.
كەزدەسۋ بارىسىندا قىرعىزستان ءسىم باسشىسى رۋسلان قازاقباەۆ ازىق-ت ۇلىك قاۋىپسىزدىگىن قامتاماسىز ەتۋ شەڭبەرىندە, سونداي-اق كوروناۆيرۋستىق ينفەكتسيا پاندەمياسىنىڭ تارالۋىنا قارسى كۇرەس بويىنشا قازاقستاندىق تاراپ كورسەتكەن گۋمانيتارلىق كومەك ءۇشىن العىسىن ءبىلدىردى.
قازاقستان ەلشىسى ءراپىل جوشىباەۆ قازاقستان تاراپى گرانتتىق كومەك رەتىندە اعىمداعى جىلى كۇزدىك بيدايدىڭ 1000 توننا جوعارى ءونىمدى تۇقىمىن بەرۋ ماسەلەسىن پىسىقتاپ جاتقانىن حابارلادى.