قازاقستاندا 8 مىڭنان استام ادامعا قوعامدىق كولىكتە جول اقىسىن تولەمەگەنى ءۇشىن ايىپپۇل سالىندى, دەپ حابارلايدى Egemen.kz قالالىق كولىك جۇيەلەرىنىڭ ءباسپاسوز قىزمەتىنە سىلتەمە جاساپ.
«جىل باسىنان بەرى قازاقستاندا جول اقىسىن تولەمەگەن 8081 جولاۋشى اكىمشىلىك جاۋاپكەرشىلىككە تارتىلدى, ونىڭ 65%-ى نۇر-سۇلتان قالاسىندا تىركەلدى», دەپ جازىلعان ءباسپاسوز حابارلاماسىندا
2021 جىلدىڭ 7 ايىندا ەلوردادا كولىكتىك باقىلاۋ دەپارتامەنتى قوعامدىق كولىكتە جول ءجۇرۋ اقىسىن تولەۋدەن جالتارعان 134 558 دەرەكتى انىقتادى. ونىڭ ىشىندە 5 290 ازامات اكىمشىلىك جاۋاپكەرشىلىككە تارتىلدى. سالىنعان ايىپپۇلداردىڭ جالپى سوماسى 29 ميلليوننان استام تەڭگەنى قۇرادى.
سونىمەن قاتار, جولاۋشىلار اراسىندا جەڭىلدىكتەرى مەن وقۋشى كارتالارىن باسقا ادامعا پايدالانۋ ءۇشىن بەرەتىن جولاۋشىلار بار. كولىكتىك باقىلاۋ قىزمەتكەرلەرى وسىنداي 1111 كارتانى تاركىلەدى. ونىڭ ىشىندە 339-ى جەڭىلدىكپەن, ال 772-ءسى - وقۋشى كارتاسى.
ەلوردادان كەيىن الماتى (1524) جانە شىعىس قازاقستان وبلىسىندا (1026) دا جول اقىسىنان جالتاراتىندار كوپ.