سوڭعى جىلدارى الەمدىك نارىقتا ءۇش ولشەمدى فورماتتاعى فيلمدەردىڭ (3D) كادىمگىدەي باسىمدىققا يە ەكەنىن بىلەمىز. بۇل انيماتسيالىق فيلمدەرگە قاتىستى ايتقاندا دا سولاي. مىسالى, بالالار تۇگىلى ەرەسەكتەردىڭ ءوزىن ەكراننىڭ الدىنا ماتاپ قوياتىن «شرەك ماڭگىلىك» ءمۋلتفيلمى وسى فورماتتا تۇسىرىلگەن. الەمدىك ءۇردىس وتاندىق كينونى اينالىپ وتپەگەنىمەن, مۋلتفيلمىمىزگە جەتە قويماعان جايى بار ەدى. جۋىردا بۇل اسۋ دا باعىندىرىلدى, ياعني, تۇڭعىش رەت وسى ءۇش ولشەمدى فورماتتا «باتىرلار» اتتى مۋلتفيلم ءتۇسىرىلدى.
سوڭعى جىلدارى الەمدىك نارىقتا ءۇش ولشەمدى فورماتتاعى فيلمدەردىڭ (3D) كادىمگىدەي باسىمدىققا يە ەكەنىن بىلەمىز. بۇل انيماتسيالىق فيلمدەرگە قاتىستى ايتقاندا دا سولاي. مىسالى, بالالار تۇگىلى ەرەسەكتەردىڭ ءوزىن ەكراننىڭ الدىنا ماتاپ قوياتىن «شرەك ماڭگىلىك» ءمۋلتفيلمى وسى فورماتتا تۇسىرىلگەن. الەمدىك ءۇردىس وتاندىق كينونى اينالىپ وتپەگەنىمەن, مۋلتفيلمىمىزگە جەتە قويماعان جايى بار ەدى. جۋىردا بۇل اسۋ دا باعىندىرىلدى, ياعني, تۇڭعىش رەت وسى ءۇش ولشەمدى فورماتتا «باتىرلار» اتتى مۋلتفيلم ءتۇسىرىلدى.
انيماتسيالىق فيلم Motion Capture جاڭا تەحنولوگياسى نەگىزىندە ازىرلەنگەن. ال جوبانى «قازاقستان» رترك» اق تاپسىرىسى بويىنشا «نۇر وتان» پارتياسىنىڭ قولداۋىمەن «Kazakhstan Computer Graphics» كومپانياسى تۇسىرگەن. جۋىردا ەلورداداعى «كەرۋەن» ويىن-ساۋىق ورتالىعىندا تاريحي-انيماتسيالىق مۋلتحيكايانىڭ تۇساۋكەسەر ءراسىمى ءوتتى.
«ۇلتىنىڭ تۇتاستىعىن, جەرىنىڭ بۇتىندىگىن مۇرات ەتكەن قازاق باتىرلارى تۋرالى كوركەم فيلمدەر ءتۇسىرىلىپ كەلگەن. ال «باتىرلار» تۋىندىسى وسى تاقىرىپتى كوتەرگەن تۇڭعىش انيماتسيالىق فيلم. اتى اڭىزعا اينالعان ەرجۇرەك باتىرلارىمىزدىڭ ءبىرى, XVIII عاسىرداعى قازاق ەلىنىڭ جوڭعارلارعا قارسى ۇلت-ازاتتىق سوعىسىنداعى كورنەكتى قاھارمان – ناۋرىزباي باتىردىڭ ەل تاعدىرىنداعى تاريحي ورنى مەن ەرلىك جورىقتارىنىڭ ماڭىزىن وسكەلەڭ ۇرپاقتىڭ ساناسىنا ءسىڭىرۋ ماڭىزدى مىندەت», – دەدى «قازاقستان» رترك» اق-تىڭ ءتورايىمى ن.مۇحامەدجانوۆا تۇساۋكەسەر راسىمىندە.
مۋلتحيكايا پروديۋسەرى اينۇر تەمىرحانقىزى مۋلتحيكايانىڭ XVII-ءXVIIى عاسىرلارداعى قازاق-جوڭعار شايقاستارىنىڭ تاريحي وقيعالارىن بەينەلەيتىنىن, ءفيلمنىڭ سالقىنقاندىلىق, پاراساتتىلىق جانە بىرلىك سىندى بىرنەشە بولىمنەن تۇراتىنىن مالىمدەدى. ال, مۋلتفيلمنىڭ رەجيسسەرى مالىك زاڭعار «ءبىز باتىرلار تۋرالى عانا ءسوز قوزعامايمىز. كەيىپكەرلەردىڭ ىشكى جان دۇنيەسىنە كومپيۋتەرلىك گرافيكا ءمۇمكىندىكتەرى تۇرعىسىنان قارادىق. بۇل تۋىندىنىڭ مۋلتحيكايا جانە ونىڭ نەگىزگى كورەرمەندەرى بالالار ەكەندىگىن ەسكەرە وتىرىپ, ءاربىر ءبولىمنىڭ, ءار كەيىپكەردىڭ تاريحي شىنايى بەينەسىن ساقتاۋعا تىرىستىق», – دەدى.
«باتىرلار» – سوڭعى ءىىى-ءىV عاسىردا حالقىمىزدىڭ جادىندا ءومىر ءسۇرىپ, ەرلىك پەن نامىستىڭ, وتانشىلدىقتىڭ سيمۆولىنا اينالىپ ۇلگەرگەن بوگەنباي ءجانە ناۋرىزباي باتىرلاردىڭ باتىرلىق جورىقتارى تۋرالى سىر شەرتەتىن تۇڭعىش وتاندىق انيماتسيالىق فيلم. كورەرمەن بۇل تۋىندىنى الدىمەن «بالاپان», سوسىن «قازاقستان» ۇلتتىق تەلەارناسىنان كورەتىن بولادى.
ايگۇل سەيىلوۆا,
«ەگەمەن قازاقستان».