كەنتاۋدا جول اپاتىنان جاياۋ جۇرگىنشى قايتىس بولدى, دەپ حابارلايدى Egemen.kz.
كەنتاۋ قپب-نىڭ كەزەكشى بولىمىنە اۋرۋحانادان اۋىر جاراقات العان ەر ادامدى جانساقتاۋ بولىمىنە جەتكىزگەنى تۋرالى حابارلاما كەلىپ ءتۇستى. ءتارتىپ ساقشىلارى جابىرلەنۋشىنى بەلگىسىز كولىك قاعىپ, جۇرگىزۋشىنىڭ وقيعا ورنىنان قاشىپ كەتكەنىن انىقتادى. كەنتاۋ قالاسىنىڭ تۇرعىنى العان جاراقاتتارىنان ەسىن جيماستان قايتىس بولعان. جاسىرىنعان جۇرگىزۋشىنى ىزدەۋگە اۋداندىق پوليتسيا ءبولىمىنىڭ بارلىق جەكە قۇرامى مەن تاجىريبەلى پوليتسيا توبى باعىتتالدى.
جەدەل-ىزدەستىرۋ ءىس-شارالارىن جۇرگىزۋ بارىسىندا ءتارتىپ ساقشىلارى جۇرگىزۋشىنىڭ جەكە باسىن انىقتاپ, ۇستادى. ول كەنتاۋ قالاسىنىڭ تۇرعىنى بولىپ شىقتى, ونى قالالىق پوليتسيا بولىمىنە جەتكىزدى. جكو جايتى بويىنشا قازىرگى ۋاقىتتا قر قك-ءنىڭ 345-بابى (جول ءجۇرىسى نەمەسە كولىك قۇرالدارىن جۇرگىزۋشى ادامداردىڭ كولىك قۇرالدارىن پايدالانۋ قاعيدالارىن بۇزۋى) جانە 347-بابى (جول-كولىك وقيعاسى بولعان جەردەن كەتۋ) بويىنشا سوتقا دەيىنگى تەرگەۋ جۇرگىزىلۋدە. كۇدىكتى قاماۋدا. انىقتاۋشىلار جول-كولىك وقيعاسىنىڭ سەبەپتەرى مەن ءمان-جايىن انىقتاۋدا.