ەلىمىزدە اۋىل شارۋاشىلىعى سالاسى دامىپ كەلەدى

«اۋىل شارۋاشىلىعىندا 2,4% ءوسىم بايقالىپ وتىر. 13 وڭىردە وڭ ديناميكا تىركەلدى. ەڭ جوعارى ءوسىمدى اقمولا, جامبىل جانە پاۆلودار وبلىستارى كورسەتتى», دەدى ءا. ەرعاليەۆ.

بۇدان بولەك ول 7 ەكونوميكالىق كورسەتكىش بويىنشا وڭىرلەر اراسىندا جالپى جاعدايعا توقتالدى.

«بارلىق 7 كورسەتكىش بويىنشا وڭ ءوسۋ 4 وڭىردە – الماتى, جامبىل جانە ماڭعىستاۋ وبلىستارىندا, سونداي-اق شىمكەنت قالاسىندا بايقالدى. ال, 6 كورسەتكىش بويىنشا 9 وڭىردە ءوسۋ بايقالادى.

ولار اقمولا, اقتوبە, قاراعاندى, قوستاناي, قىزىلوردا, پاۆلودار, سولتۇستىك قازاقستان جانە تۇركىستان وبلىستارى, سونداي-اق نۇر-سۇلتان قالاسى. 3 وڭىردە 5 كورسەتكىش بويىنشا ءوسۋ تىركەلدى. باتىس قازاقستان وبلىسىندا تەك 3 كورسەتكىش بويىنشا ءوسۋ بايقالىپ وتىر», دەدى مينيستر.

ونىڭ پايىمىنشا, جەرگىلىكتى اتقارۋشى ورگاندارعا ءتيىستى ءىس-شارالارعا نازار اۋدارۋ ۇسىنىلىپ وتىر. اتاپ ايتقاندا:

1. بەلسەندى تۇردە ينۆەستيتسيالار تارتۋ, ينۆەستورلارمەن ناقتى جۇمىس جۇرگىزۋ, ءاربىر ينۆەستيتسيالىق جوبانىڭ ەكونوميكالىق تۇرعىدا تيىمدىلىگىن ارتتىرۋ.

2. شاعىن جانە ورتا بيزنەسكە بايلانىستى مەملەكەتتىك قولداۋ قۇرالدارىن ءتيىمدى تۇردە ىسكە اسىرۋ جانە ASHYQ جوباسىن كەڭەيتۋ.

3. ۋاقىتىلى ەگىن جيناۋدى جانە قۇرىلىس جۇمىستارىنىڭ ماۋسىمىن ءتيىمدى جۇرگىزۋدى قامتاماسىز ەتۋ.

4. «ەڭبەك» جانە «جۇمىسپەن قامتۋ جول كارتاسى» باعدارلامالارى شەڭبەرىندە تۇراقتى جانە ۋاقىتشا جۇمىسقا ورنالاستىرۋدى قامتاماسىز ەتۋ.

5. ازىق-ت ۇلىك تاۋارلارىنا تۇراقتى مونيتورينگ جانە باعانىڭ شامادان تىس ءوسۋىن تەجەۋ بويىنشا شارالار قابىلداۋ.