بۇگىن وليمپيادا جالاۋى بۇگىن جاپونيادان فرانتسياعا جەتكىزىلدى. بۇل توكيو-2020 ويىندارىنىڭ رەسمي تۇردە اياقتالىپ, كەزەك پاريج-2024-كە كەلگەنىن كورسەتەدى, دەپ حابارلايدى Egemen.kz.
پاريج مەرى انن يدالگو دەلەگاتسيانى ۇشاقتان قارسى الدى.
2024 جىلعى پاريج ويىندارىنا ءۇش جىلدان از ۋاقىت قالدى. سەبەبى توكيو-2020 ويىندارى COVID-19 پاندەمياسىنا بايلانىستى ءبىر جىلعا كەيىنگە قالدىرىلعان بولاتىن.
يدالگو تۋدى توكيو-2020 جابىلۋ سالتاناتىندا حوك پرەزيدەنتى توماس باحتان رەسمي تۇردە الدى. ول جۋرناليستەرگە تۋ پاريج ويىندارىنىڭ جاقىنداپ كەلە جاتقانىنىڭ بەلگىسى ەكەنىن ايتتى, دەپ جازادى Washington Post.
مەر پاريج 2024 ۇيىمداستىرۋ كوميتەتى ويىندارعا دايىندىقتى, ونىڭ ىشىندە قاۋىپسىزدىك ماسەلەلەرىن جەڭىلدەتۋ ءۇشىن توكيو 2020 ۇيىمداستىرۋشىلارىمەن بايلانىس ورناتاتىنىن مالىمدەدى.
ەندى وليمپيادا جالاۋى پاريج مەرياسىندا بولادى.
ايتا كەتەيىك, پاريجدەگى وليمپيادا ويىندارى 2024 جىلدىڭ 26 شىلدەسى مەن 11 تامىزى ارالىعىندا, پاراليمپيادا ويىندارى 28 تامىز بەن 8 قىركۇيەك ارالىعىندا وتەدى.