شىلدە ايىندا اۋا تەمپەراتۋراسى كوپجىلدىق رەكوردتى جاڭارتتى, دەپ جازادى Egemen.kz.
قازگيدرومەتتىڭ جازۋىنشا 7 شىلدەدە قىزىلوردا مەتەورولوگيالىق ستانتسياسىندا ەڭ جوعارى اۋا تەمپەراتۋراسى +46,5°س تىركەلدى. وسىلايشا 1975 جىلعى رەكورد جاڭارتىلدى. ول كەزدە 20 شىلدەدە اۋا تەمپەراتۋراسى +46,0°س-قا جەتكەن بولاتىن.
جىلۋدىڭ تاعى ءبىر تولقىنى ءۇشىنشى ونكۇندىكتىڭ ءبىرىنشى جارتىسىنا, قازاقستاننىڭ بارلىق اۋماعىندا اۋا تەمپەراتۋراسى +34+44°س دەيىن كوتەرىلگەن كەزدە كەلدى. وسىلايشا تۇركىستان قالاسىندا 25 شىلدەدە +44,1°س بولدى, بۇل كورسەتكىش ءوز كەزەگىندە 2017 جىلعى وسى كۇننىڭ الدىڭعى رەكوردىنان اسىپ ءتۇستى (+42,5°س).
سونداي-اق, شىلدە ايىنىڭ جەكەلەگەن كۇندەرىندە, قازاقستاننىڭ سولتۇستىگىندە, سولتۇستىك-باتىسىندا جانە ورتالىعىندا ەكىنشى ونكۇندىكتىڭ ورتاسىندا جانە ايدىڭ سوڭىندا, ەڭ تومەنگى اۋا تەمپەراتۋراسى تىركەلىپ, رەكورد جاڭارتىلدى. مىسالى, 29 شىلدە كۇنى تۇندە سولتۇستىك قازاقستان وبلىسىنداعى رۋزاەۆكا مەتەورولوگيالىق ستانتسياسىندا اۋا تەمپەراتۋراسى +5,3°س قۇرادى. ناتيجەسىندە وسى ءتۇننىڭ الدىڭعى رەكوردى جاڭارتىلدى, ول 2020 جىلى +7,7°س قۇراعان ەدى.
شىلدەدە تەمپەراتۋرا رەكوردىنان باسقا, قاتتى جەل, داۋىل, بۇرشاق جانە نايزاعاي, قاتتى جاڭبىر سياقتى قولايسىز اۋا-رايى ورىن الدى. ءبىر اي ىشىندە رەسپۋبليكا بويىنشا 15-28 م/س ەكپىندى جەل دوستىق, ەسىك, ۇشتوبە سىندى جەكەلەگەن اۋدانداردا 30-37 م/س دەيىن جەتتى.
7-8 شىلدەدە اقتوبە مەتەورولوگيالىق ستانتسياسىندا 54,7 مم قاتتى جاڭبىر جاۋدى. ايلىق نورما 30 مم بولاتىن. ال ۇشتوبە مەتەورولوگيالىق ستانتسياسىندا ديامەترى 20 مم بۇرشاق ءتۇستى.
پاۆلودار وبلىسىنداعى اقجول مەتەورولوگيالىق ستانتسياسىندا جەلدىڭ جىلدامدىعى 36 م/س, ۇزاقتىعى 6 مينۋت بولاتىن داۋىل تىركەلدى.
نۇر-سۇلتان قالاسىندا 2021 جىلى ەڭ جوعارى اۋا تەمپەراتۋراسى 4 شىلدەدە تىركەلدى. بۇل كۇنى تەرمومەترلەر +37,8°س كورسەتتى. وسىلايشا 1997 جىلى ورىن العان رەكورد جاڭارتىلدى. سول كەزدە اۋا تەمپەراتۋراسى +37,5°س قۇراعان بولاتىن.
ءبىر ايدا 44,3 مم (نورمادان 89%) جاۋىن-شاشىن ءتۇستى. ەستەرىڭىزگە سالا كەتسەك, ورناتىلعان نورما 50 مم قۇرايدى.