8 تامىزدا الاكولدە تۇركىستان وبلىسىنىڭ 27 جاستاعى تۇرعىنى قوزعالىس قاۋىپسىزدىگى ەرەجەلەرىن بۇزۋ جانە كولىك قۇرالىن (گيدروتسيكلدى) پايدالانۋ سالدارىنان ۇرلەمەلى سۋ ماتراسىمەن سوقتىعىسىپ, سالدارىنان سەمەي قالاسىنىڭ 40 جاستاعى تۇرعىنى وقيعا ورنىندا كوز جۇمدى, دەپ حابارلايدى Egemen.kz.
ونىڭ 2010 جىلى تۋعان كامەلەتكە تولماعان قىزى ءتۇرلى جاراقاتتارمەن اۋرۋحاناعا جەتكىزىلدى.
ءۇرجار اۋداندىق پوليتسيا ءبولىمى قر قك-ءنىڭ 344-بابى 2-بولىگى بويىنشا ءمان-جايلاردى زەرتتەۋ, تەرگەۋ ارەكەتتەرىن جۇرگىزۋدە.
سونىمەن قاتار گيدروتسيكلدىڭ يەسى, ءۇرجار اۋدانىنىڭ 31 جاستاعى تۇرعىنىنا قاتىستى قر قك-ءنىڭ 306-بابى 3 - بولىگى بويىنشا, ياعني, ابايسىزدا ادام ولىمىنە اكەپ سوققان, قاۋىپسىزدىك تالاپتارىنا جاۋاپ بەرمەيتىن قىزمەتتەر كورسەتۋ بويىنشا سوتقا دەيىنگى تەرگەۋ باستالدى.
قىلمىستىق ءىس جۇرگىزۋ كودەكسىنىڭ 201-بابىنىڭ 1-بولىگىنە سايكەس سوتقا دەيىنگى تەرگەپ-تەكسەرۋدىڭ وزگە دە اقپاراتى جاريا ەتۋگە جاتپايدى.