اقش-تىڭ كاليفورنيا شتاتىندا ورمان ءورتى شىعىپ, 187,5 مىڭ گەكتار جەر جالىنعا وراندى. مىڭداعان ادام ءۇيىن تاستاپ كەتۋگە ءماجبۇر بولدى, دەپ جازادى Egemen.kz DW.com سايتىنا سىلتەمە جاساپ.
ءورت شىلدە ايىنىڭ ورتاسىندا شىققان. ونى سوندىرۋگە مىڭداعان ادام جۇمىلدىرىلدى.
مامانداندىرىلعان قىزمەتتەردىڭ باعالاۋىنشا, ونى 2 اپتادان ەرتە سوندىرۋگە بولادى. ءالسىز جەل سوندىرۋگە قولايلى.
ايتا كەتەيىك, اقش - وسى جازدا ورمان ورتتەرىنەن زارداپ شەككەن ەلدەردىڭ ءبىرى. جالىن تۋريستىك ماۋسىمنىڭ ورتاسىندا تۇركيانىڭ كوپتەگەن تانىمال كۋرورتىن شارپىدى. سونداي-اق گرەكياداعى ورمان ءورتى سالدارىنان مىڭداعان ادام ەۆاكۋاتسيالاندى.