گرەكيا ءۇشىنشى كۇن قاتارىنان ەلدىڭ كوپتەگەن اۋداندارىنداعى ءورتتى سوندىرە الماي وتىر, دەپ حابارلايدى Egemen.kz.
جالىن مىڭداعان گەكتار ورماندى شارپىعان, قازىرگى كەزدە ول اتتيكانىڭ سولتۇستىك-شىعىسىنا قاراي جىلجىپ بارادى. عيماراتتار ورتەنىپ, جابايى اڭدار قىرىلىپ جاتىر. مىڭداعان ادام ەۆاكۋاتسيالاندى. تۇرعىنداردىڭ كوبى ءبىر ءتۇن ىشىندە باسپاناسىز قالدى.
افينا-سالونيكي جالپىۇلتتىق اۆتوماگيسترالىنىڭ ەكى جاعى وتقا ورانعان.
«قازىرگى باعالاۋ بويىنشا, افينانىڭ سولتۇستىگىندەگى ءورت ۇلتتىق جولدى ءۇش ءتۇرلى جەردە شارپىعان. بوفورت شكالاسى بويىنشا 6 بالدىق ەكپىندى جەل ءورتتى ودان سايىن كۇشەيتىپ, ءورت سوندىرۋشىلەردىڭ جۇمىسىنا كەدەرگى كەلتىرۋدە. جاڭا تۇتانۋ وشاقتارى پايدا بولۋدا», حابارلايدى Euronews اگەنتتىگى.
افيناعا جاقىن جەردە ءورت ءسوندىرۋ كەزىندە ەر ادام قازا تاپتى. ونى ەلەكتر باعانا باسىپ قالعان. كەم دەگەندە تاعى ون ادام جاراقات الىپ, اۋرۋحاناعا تۇسكەن. گرەكيادا 56 تابيعي ءورت ءسوندىرىلىپ جاتىر. ەڭ اۋىر جاعداي ەۆبەيادا.
جالىن نەگىزگى ورماندى شارپىپ, ءىرى تاۋ سىلەمى بويىنشا بىرنەشە باعىتتا تارالىپ بارادى. ءتىپتى تەڭىز جاعاسىنا شەيىن جەتتى. جۇزدەگەن ادام قايىقپەن ەۆاكۋاتسيالاندى. وتپەن كۇرەسۋگە 240 ءورت ءسوندىرۋشى جۇمىلدىرىلعان. گرەكتەرگە فرانتسيادان, شۆەيتساريادان, شۆەتسيادان جانە رۋمىنيادان ارىپتەستەرى كومەك كورسەتۋدە..