قازاقستاندىق جوعارى وقۋ ورىندارىنىڭ ستۋدەنتتەرى مەن وقىتۋشىلارى ءتۇرلى ىنتالاندىرۋ سىيلىقتارىن الا باستادى. قر ءبىلىم جانە عىلىم ءمينيسترى اسحات ايماعامبەتوۆتىڭ تاپسىرماسى بويىنشا ۋنيۆەرسيتەتتەر ءبىلىم الۋشىلار مەن قىزمەتكەرلەر اراسىندا ۆاكتسيناتسيانى قولداۋدى ىنتالاندىرۋ شارالارىن ازىرلەپ, جۇزەگە اسىرىپ جاتىر, دەپ جازادى Egemen.kz.
د.سەرىكباەۆ اتىنداعى شىعىس قازاقستان تەحنيكالىق ۋنيۆەرسيتەتىندە ۆاكتسيناتسيالانعان ستۋدەنتتەر اراسىندا اقشالاي سەرتيفيكاتتار ويناتىلىپ, جوو-نىڭ 50 ءبىلىم الۋشىسى 15 مىڭتەڭگە اقشالاي سىيلىق ۇتىپ الدى. ىنتالاندىرۋ ۇتىس ويىنى وسىمەن شەكتەلمەيدى. تاعى 70 ستۋدەنتكە وسىنداي ساۋىقتىرۋ كومەگى قاراستىرىلعان.
شارت بويىنشا ستۋدەنتتەر 8 تامىز بەن 24 تامىز ارالىعىندا covid 19 ۆاكتسيناسىن الىپ, ارنايى پوشتاعا #Stop COVID-19 حەشتەگىمەن ۆاكتسيناتسيا پروتسەدۋراسىن راستايتىن SMS حابارلامانى جىبەرۋ قاجەت. 70 جەڭىمپاز 10 000 تەڭگە كولەمىندە اقشالاي سىياقى الىپ, يممۋنيتەتىن دارۋمەندەرمەن قامتاماسىز ەتۋ مۇمكىندىگىنە يە بولادى. سونىمەن قاتار, ءبىلىم بەرۋ باعدارلامالارىنىڭ جەتەكشىلەرى بۇقتىرما سۋ قويماسىنىڭ جاعالاۋىنا نەمەسە ستۋدەنتتەرمەن بىرگە ابايداعى كيەلى ورىندارعا ساياحاتتاپ بارا الادى.
ەسكە سالساق, ۆاكتسيناتسيانى ماتەريالدىق قولداۋ جانە ماراپاتتاۋ تاجىريبەسى الەمنىڭ كوپتەگەن ەلدەرىندە جۇزەگە اسىرىلۋدا.