نۇر-سۇلتان «قوڭىر-قىزىل» ايماقتان «قىزىل»ايماققا اۋىستى. ەندى بۇگىننەن باستاپ ساۋدا جانە ويىن-ساۋىق ورتالىقتارىنا, ساۋدا ۇيلەرى مەن ساۋدا جەلىلەرىنە 22.00-گە دەيىن جۇمىس ىستەۋگە رۇقسات بەرىلەدى, دەپ حابارلايدى Egemen.kz.
باس سانيتاريا دارىگەر ەرلان قياسوۆتىڭ 29 شىلدەدەگى قاۋلىسىنا سايكەس, «قىزىل» ايماقتا ساۋدا جانە ويىن-ساۋىق ورتالىقتارى, ساۋدا ۇيلەرى مەن ساۋدا جەلىلەرى سەنبى مەن جەكسەنبىنى قوسا العاندا, بارلىق كۇنى 22.00-گە دەيىن جۇمىس ىستەي الادى.
ايتا كەتەيىك, ەپيدەميولوگيالىق جاعداي جاقسارىپ, كوروناۆيرۋس جۇقتىرۋدىڭ كۇندەلىكتى جاڭا دەرەگى ازايعان سايىن كارانتين تالابى جەڭىلدەۋى مۇمكىن.
ەلوردا اكىمدىگى دەرەكتەرىنە سايكەس, 18 شىلدە مەن 2 تامىز ارالىعىندا نۇر-سۇلتان تاعى ءتورت قالامەن «قوڭىر-قىزىل» ايماقتا بولعان. 4 تامىزدان باستاپ ەلوردادا ينفەكتسيالىق ستاتسيونارلاردىڭ جۇكتەمەسى 69 پايىز بولدى (70 پايىزدان تومەن - شامامەن.) جانە قالا «قىزىل» ايماققا ورالدى.
وتكەن تاۋلىكتە ەلوردادا 1507 COVID-19 جۇقتىرعان ادام انىقتالدى.