جەتىسۋدا دا جاعداي ءماز ەمەس

قازىر وبلىستا 33 024 ادامنىڭ كورو­ناۆيرۋس ينفەكتسياسىن جۇقتىر­عا­نى زەرتحانالىق تەكسەرۋ بارىسىندا راستالىپ وتىر. ياعني سوڭعى ءبىر اپتا ىشىندەگى ىندەت جۇقتىرۋدىڭ ءوسۋ كورسەتكىشى 1 پايىزدى قۇراعان. ال انىقتالعان 311 ناۋقاستىڭ ەلدى مەكەندەرگە شاققانداعى ۇلەسىنە نازار اۋدارساق, نەگىزىنەن ادام كوپ شوعىرلانعان ءارى الماتى قالاسىمەن قويان-قولتىق ارالاسىپ جاتقان اۋدان­­داردا باسىم ەكەنى بىلىنەدى. دە­مەك تۇرعىندار قاۋىپسىزدىك شارالارىن ساق­تاماۋدىڭ زاردابىن شەگىپ وتىر دەگەن ءسوز.

دەرەك بويىنشا, وتكەن تاۋلىكتە عانا اقسۋ اۋدانىندا – 6, الاكول اۋدانىندا – 4, بالقاش اۋدانىندا – 4, ەڭبەكشىقازاق اۋدانىندا – 29, ەسكەلدى اۋدانىندا – 4, جامبىل اۋدانىندا – 18, ىلە اۋدانىندا – 34, قاراساي اۋدانىندا – 32, قاراتال اۋدانىندا – 8, كوكسۋ اۋدانىندا – 5, پانفيلوۆ اۋدانىندا – 12, رايىمبەك اۋدانىندا – 2, تالعار اۋدانىندا – 36, ۇيعىر اۋدانىندا – 11, كەگەن اۋدا­نىندا – 3, قاپشاعاي قالاسىندا – 14, تالدىقورعان قالاسىندا – 76, تەكەلى قالاسىندا 13 ادامنان كوروناۆيرۋس ينفەكتسياسى انىقتالىپ, ناۋقاستار مەديتسينا كومەگىنە جۇگىن­گەن.

ايتپاقشى, وڭىردە كورونا­ۆي­رۋسقا قارسى ەكپە الۋ ءىسى قار­قى­ند­­ى ءجۇرىپ جات­­قانىمەن, تۇر­عىن­داردىڭ ءتيىستى بو­لى­­گى ءالى دە ۆاك­­­تسينا سالدىرۋعا اسى­­عار ەمەس. دە­رەككە سۇيەنسەك, جىل باسىنان بەرى وبلىسقا ۆاكتسي­نا­­نىڭ ءبىرىنشى كومپونەنتىن ەگۋ ءۇشىن 570 655 دوزا ەكپە اكەلىنگەن بولسا, ونىڭ 551 350 دوزا ەكپەسى عانا قولدانىلىپتى. ال ۆاكتسي­نانىڭ ەكىنشى كومپونەنتىنەن 516 990 دوزا وبلىستاعى مەديتسينا ۇيىم­دارىنا اكەلىنگەن. بۇگىنگە دەيىن ونىڭ 383 422 دوزاسى ەگىلگەن. ياعني ەكپەنىڭ ەكى كومپونەنتىن العان وسى 383 422 ادامعا ۆاكتسينالاۋ پاس­پورتى بەرىلگەن. ايتپاقشى, ۆاك­تسي­نالانعانداردىڭ اراسىندا مەم­لە­كەت قىزمەتشىلەرىنىڭ ۇلەسى 11 849 ادام ەكەن, سونداي-اق 23 338 مە­دي­تسي­نا قىزمەتكەرى مەن تاعى باسقا 38 036 قىزمەتكەر بار. ال ۆاكتسينانىڭ ءبىرىنشى كومپونەنتىن العاندار سانى 551 352 ادام شاماسىندا. ەكپە الۋ ءىسى باياۋ دا بولسا, جال­عا­سىپ جاتىر.

الماتى وبلىسى