شىعىستاعى وۆ-156/16 مەكەمەسىندە كولىك قۇرالىن باسقارۋ قۇقىعىنان ءومىر بويىنا ايىرىلعان ازاماتتاردىڭ 42-ءسى تەمىر توردا جازالارىن وتەپ وتىر, دەپ حابارلايدى Egemen.kz.
كولىك قۇرالدارىن جۇرگىزۋ قۇقىعىنان ايىرىلعان ازاماتتار الكوگولدەن, ەسىرتكىدەن ماساڭ كۇيدە كولىك تىزگىنىنە وتىرىپ, قر قك-ءنىڭ 346-بابى بويىنشا سوتتالعان.
سونداي-اق, قازىرگى ۋاقىتتا قىلمىستىق ىستەر جۇرگىزىلىپ جاتقان 12 ادام وۆ-156/1 مەكەمەسىنە (تەرگەۋ يزولياتورىنا) قامالدى.
– ىشىمدىك ءىشىپ, رولگە وتىرعان ادام ءوز ءومىرىن عانا قاتەرگە تىكپەيدى, وزگەلەرگە دە قاۋىپ توندىرەدى. ىشىمدىك ىشپەس بۇرىن, وسىنى ويلانساڭىزدار عوي. ايتا كەتۋ كەرەك, بۇل قىلمىس ءۇشىن زاڭ الدىندا قاتاڭ جازالاۋ قاراستىرىلعان, – دەيدى وۆ-156/1 مەكەمەسىنىڭ ارنايى ەسەپ ءبولىمىنىڭ باستىعى ادىلەت كاپيتانى ج. سەيتقازينوۆ.