بۇگىن قازاقستاندىق جەڭىل اتلەتيكا حانشايىمدارى ءۇشىن توكيو وليمپيادا ويىندارى اياقتالدى. لوندون وليمپياداسىنىڭ چەمپيونى ولگا رىپاكوۆا جارىستان كەيىن جۋرناليستەرگە سۇحبات بەردى, دەپ حابارلايدى Egemen.kz.
«بۇگىنگى جارىستاردى باعالاۋ قيىن. ادەتتە ماعان ستاديوننىڭ اتموسفەراسى اسەر ەتەدى. الاڭعا شىققاندا زالدا وتىرعان جانكۇيەرلەر مەن كورەرمەندەردىڭ قۋاتىن ءاردايىم سەزىنىپ, جىگەرلەنىپ الاتىنمىن. بىراق, وكىنىشكە قاراي, بۇل جولى ونداي مۇمكىندىك بولمادى. بىراق, بۇل بۇگىنگى جەڭىلىستىڭ سەبەبى ەمەس. جىل سايىن ناتيجەلەردىڭ تومەندەي باستايتىنى تاعى بار. جاراقاتتاردان تولىقتاي ايىعۋ ءۇشىن كوپ ۋاقىت كەتەدى. الەمدەگى پاندەميا دا سپورتشىلاردىڭ جاتتىعۋىنا ءبىرشاما قيىندىق ءتۇسىردى. دەگەنمەن دە, بۇل مەن قاتىسىپ وتىرعان 4-ءشى وليمپيادا. بۇنى ۇلكەن جەتىستىك دەپ سانايمىن», دەدى اتلەتشى.
سپورتتىق بايگەدەن تىس جاپون حالىقتىڭ سۇيىسپەنشىلىگىنە بولەنگەن ولگا جانكۇيەرلەرىنە العىسىن ءبىلدىردى.
«وتانداستارىمنىڭ قولداۋىن سەزىندىم. وليمپيادانىڭ اشىلۋ سالتاناتىنان كەيىن جاڭا جانكۇيەرلەرىم دە پايدا بولدى. حالىقتىڭ ريزاشىلىعىنا يە بولۋ مەن ءۇشىن ۇلكەن قۇرمەت. بارلىعىنا شەكسىز العىسىمدى بىلدىرەمىن», دەدى ءسوز سوڭىندا ولگا رىپاكوۆا.