الماتى سينگاپۋردەي «اقىلدى قالا» اتانباق

الماتى قالاسىنىڭ وڭىرلىك كوممۋنيكاتسيالار قىزمەتىندە وتكەن تسيفرلاندىرۋ باسقارماسى مەن سينگاپۋرلىق crimsonlogic PTE Ltd كومپانياسىنىڭ باسشىلارى «اقىلدى قالا» جوبالارىن دامىتۋ اياسىندا ىنتىماقتاستىق جونىندەگى مەموراندۋمعا قول قويدى.

CrimsonLogic Pte Ltd مەن الماتىنىڭ تسيفرلاندىرۋ باسقارماسى بىرلەسكەن جۇمىس اياسىندا مەگاپوليستى تسيفرلىق ترانسفورماتسيالاۋعا جانە جايلى قالالىق ورتا قۇرۋعا باستى نازار اۋدارۋدى جوسپارلاپ وتىر.

ايتا كەتەرلىگى, ىنتىماقتاستىقتىڭ العاشقى جوباسى «الماتى قالاسىنىڭ بىرىڭعاي دەرەكتەر بازاسى» بولدى. ونىڭ دامۋ ستراتەگياسى الەمدەگى ەڭ وزىق ەلدەردىڭ ءبىرى – سينگاپۋرلىق «Citizen 360» مودەلىنە سايكەس جانە  دەرەكتەردى دۇرىس باسقارۋ ادامنىڭ مۇمكىندىگىن ارتتىرادى. 

«بىرىڭعاي دەرەكتەر بازاسىن ىسكە قوسۋداعى نەگىزگى يدەيا ونىڭ كومەگىمەن مەملەكەتتىك ورگانداردىڭ, كوممەرتسيالىق جانە اكادەميالىق ۇيىمداردىڭ دەپەرسوناليزاتسيالانعان دەرەكتەرمەن الماسۋىن قامتاماسىز ەتۋ», دەدى الماتىنىڭ تسيفرلاندىرۋ باسقارماسىنىڭ باسشىسى بايان قوڭىرباەۆ.

ب. قونىرباەۆ crimsonlogic كومپانياسىنىڭ «اقىلدى قالالار» جوبالارىن ىسكە اسىرۋدا مول تاجىريبە جيناقتاعانى, سونداي-اق تسيفرلىق ترانسفورماتسيالاۋ شەشىمدەرىنىڭ پورتفەلىن ۇنەمى كەڭەيتىپ وتىراتىنى تۋرالى ايتتى.

ء«بىز ءوز الدىمىزعا ايقىن ماقساتتار قويامىز – قالا تۇرعىندارىنىڭ ءومىر ءسۇرۋ ساپاسىن ارتتىرۋ مەن الەۋمەتتىك احۋالدى جاقسارتۋ عانا ەمەس, جالپى الماتىنىڭ يننوۆاتسيالىق تەحنولوگيالارىن دامىتۋ. سينگاپۋرلىق كومپانيامەن ىنتىماقتاستىققا قۋانىشتىمىز جانە ونىڭ «اقىلدى قالا» جوبالارىن دامىتۋ ءۇشىن جاڭا پەرسپەكتيۆالار اشاتىنىنا سەنىمدىمىز», دەپ تولىقتىردى بايان قوڭىرباەۆ.

ءوز كەزەگىندە CrimsonLogic Wee tan Yeong ۆيتسە-پرەزيدەنتى ەكىجاقتى ىنتىماقتاستىقتىڭ  يننوۆاتسيالاردى ەنگىزۋ پروتسەسىن جەدەلدەتەتىنىنە جانە الماتى قالاسى تۇرعىندارىنىڭ ءومىرى مەن جۇمىسىن جايلى ەتۋگە كومەكتەسەتىنىنە سەنىم ءبىلدىردى.

سونداي-اق Wee Tan Yeong سينگاپۋردا تسيفرلىق تەحنولوگيالاردى ەنگىزۋ تاجىريبەسىمەن ءبولىستى.

«ەلىمىزدە تسيفرلىق ترانسفورماتسيا 1980 جىلدان باستالدى. وسىنىڭ ارقاسىندا ءجىو 100 ەسەدەن استام ءوستى. سينگاپۋر بارلىق مەملەكەتتىك قىزمەتتەردى, سونداي-اق بيزنەس سالاسىنداعى قىزمەتتەردى وزگەرتتى. مۇنىڭ ءبارى مەنىڭ كوز الدىمدا, قارا-اق سۋرەتتەن باستاپ جارقىراعان قالاعا دەيىن بولدى. وسى ۋاقىتتان باستاپ سينگاپۋرلىقتار تسيفرلاندىرىلعان قىزمەتتەردى پايدالانۋدىڭ تۇراقتى ادەتىن قالىپتاستىردى», دەدى Wee Tan Yeong.

شەتەلدىك سپيكەر تسيفرلاندىرۋ ويىنشىلارىنىڭ ءبىرى - My Info پورتالىنىڭ جەتىستىگى تۋرالى ايتتى. وندا ەكونوميكالىق ترانزاكتسيالار جىلدامداتىلعان. مىسالى, بانكتە وڭاي جانە تەز شوت اشۋعا بولادى. بۇل اقىلدى شەشىمنىڭ پايداسىن بانكتەر عانا ەمەس, سونىمەن قاتار بانك بولىمشەسىنە بارماي-اق ۋاقىتىن ءتيىمدى پايدالانۋعا ىڭعايلى قاراپايىم ازاماتتار دا باعالادى.

CrimsonLogic-ءتىڭ ورتالىق ازيا بويىنشا وڭىرلىك ديرەكتورى الۋا ساتىبالديەۆا الماتىنىڭ تسيفرلاندىرۋ باسقارماسى سينگاپۋردىڭ جولىمەن ءجۇرىپ جاتقانىن ايتتى. ول 30 جىل بويى ءوزىنىڭ تيىمدىلىگىن كورسەتىپ كەلە جاتقان ءتۇرلى پلاتفورمالار تۋرالى جان-جاقتى ايتىپ بەردى.