وبلىستىق سانيتارلىق-ەپيدەميولوگيالىق باقىلاۋ دەپارتامەنتىنىڭ مالىمەتىنشە, 30 شىلدەدەگى جاعداي بويىنشا وڭىردە كوروناۆيرۋستىق ينفەكتسيانىڭ 30 074 دەرەگى, ال سوڭعى تاۋلىكتە 275 جاڭا جاعداي تىركەلگەن, دەپ حابارلايدى Egemen.kz.
اۋىرعانداردىڭ جالپى سانىنان 17 522-ءسى نەمەسە 58,2 % - پاۆلودار قالاسىنىڭ تۇرعىندارى. سىرقاتتانعانداردىڭ ىشىندە پاۆلودار وبلىسىنىڭ تۇرعىندارى 29 790 بولسا, 287-ءسى (1,0%) باسقا وڭىرلەردەن.
- 9 205 جاعداي نەمەسە 30,7% بايلانىسقا تۇسكەن ادامدار اراسىندا, 18 089-ى نەمەسە 59,3% مەديتسينالىق ۇيىمدارعا مەديتسينالىق كومەككە جۇگىنگەن جرۆي جانە پنەۆمونيامەن اۋىراتىن تۇرعىندار اراسىندا تىركەلدى, ال 2 498-ءى نەمەسە 8,3 % پروفيلاكتيكالىق تەكسەرۋدەن وتكەن كەزدە انىقتالدى. كۆي اپتالىق ءوسىمى 12 شىلدەدەن 18 شىلدەگە دەيىن 4,29% (1141 جاعداي), 19 - 21 شىلدە ارالىعىندا 5,0% (1402 جاعداي) قۇرادى, - دەيدى دەپارتامەنتتە.وتكەن 7 كۇندە 23 شىلدە مەن 29 شىلدە ارالىعىندا وڭىردە 1596, الدىڭعى اپتادا 19-25 ارالىعىندا 1294 جاعداي تىركەلگەن. پاۆلودار, ەكىباستۇز, اقسۋ قالالارى مەن اقتوعاي, پاۆلودار, باياناۋىل, ماي, ۋسپەن, اققۋلى, ەرتىس اۋداندارى - «قىزىل» ايماقتا.جەلەزين, ششەرباقتى, تەرەڭكول اۋداندارى – «سارى» ايماقتا.