قىزىلوردا وبلىسىنىڭ قارماقشى اۋدانىنداعى ءىرى شارۋاشىلىقتاردىڭ ءبىرى اعىمداعى اگروماۋسىمدا سۋدىڭ ازدىعىنان كۇرىشتىڭ ەگىس الاڭىن تورتتەن بىرگە قىسقارتۋعا ءماجبۇر بولدى, دەپ حابارلايدى Egemen.kz «حابار-24»-كە سىلتەمە جاساپ.
سۋارمالى سۋدىڭ جەتىسپەۋشىلىگىنەن تاعى 70 گەكتارعا جۋىق جەر كەۋىپ قالدى. تىڭايتقىشتار قىمباتتادى. قوسالقى بولشەكتەر مەن ججم باعاسى كوتەرىلدى.
ء«بىز كۇرىشتىڭ ناقتى باعاسى 400 تەڭگە دەڭگەيىندە بولۋى ءتيىس دەپ ەسەپتەيمىز. وزىندىك قۇنى قاتتى كوتەرىلدى. ەگىستىكتەردى سۋمەن قامتاماسىز ەتۋ ءۇشىن قىمبات سورعىلار ساتىپ الىندى. سۋارۋ كانالدارى تازارتىلدى. بىزدە 270 ادام جۇمىس ىستەيدى, ال اگروماۋسىمدا جۇمىسشىلار سانى 300-گە دەيىن كوتەرىلەدى. بارلىعىنىڭ جالاقىسىن ۋاقىتىندا تولەۋ كەرەك», دەيدى سەرىكتەستىكتىڭ باس مامانى ءسابيت پرمانوۆ.
كۇرىش 19 الەۋمەتتىك ماڭىزى بار تاۋارلار تىزىمىنە كىرەدى. شەكتى باعالاردى مەملەكەت بەلگىلەيدى. ءۇشىنشى توقساندا ول 275 تەڭگەنى قۇرايدى. دەگەنمەن, نارىقتا استىقتىڭ ءبىر كيلوگرامى ورتاشا ەسەپپەن 220-دان ساتىلادى.
«جىل باسىنان بەرى 15 جارمەڭكە وتكىزىلدى. 500 توننادان استام كۇرىش نارىقتىق باعادان 15-20%-عا تومەن ساتىلدى. بۇگىنگى تاڭدا وبلىستا استىق قورى قۇرىلدى. تاپشىلىق جوق», دەپ ناقتىلادى وبلىستىق اۋىل شارۋاشىلىعى باسقارماسى ءبولىم باسشىسىنىڭ مىندەتىن اتقارۋشى جۇسىپبەك اجىبەكوۆ.
قازىرگى اگروسەزوندا وبلىستىڭ 550 كۇرىش شارۋاشىلىعى جالپى العاندا 83 مىڭ گەكتارعا جۋىق داقىل الدى. بۇل وتكەن جىلمەن سالىستىرعاندا 6600 گەكتارعا از.