بۇگىن ىستامبۇلدا تۇركى كەڭەسى باق جونىندەگى ۇيلەستىرۋ كوميتەتىنىڭ وتىرىسى جانە الەۋمەتتىك جەلىلەردە جۇمىس ىستەۋ بويىنشا وقىتۋ باعدارلاماسىنىڭ ءبىرىنشى كۇنى ءوتتى, دەپ جازادى Egemen.kz اقدم ءباسپاسوز قىزمەتىنە سىلتەمە جاساپ.
اتالعان شارانىڭ 29-30 شىلدە ارالىعىنداعى باعدارلاماسىنا قر اقپارات جانە قوعامدىق دامۋ مينيسترلىگى مەن قازاقستاننىڭ مەملەكەتتىك باق وكىلدەرى قاتىسىپ وتىر.
سونداي-اق ءىس-شاراعا تۇركيا, ءازىربايجان, وزبەكستان, قىرعىزستان سسىندى تۇركى كەڭەسى مۇشەلەرىنىڭ ءتيىستى ينستيتۋتتارى مەن ۇيىمدارىنىڭ وكىلدەرى جانە ۆەنگريانىڭ (باقىلاۋشى-مەملەكەت) وكىلدەرى قاتىسۋدا.
شارا باسىندا تۇركيا پرەزيدەنتى اكىمشىلىگىنىڭ بايلانىس باسقارماسىنىڭ باسشىسى فاحرەتتين ءالتۋن سوز سويلەدى.
ترەنينگ باعدارلاماسى الەۋمەتتىك جەلىلەردە تاجىريبە الماسۋعا, دەزينفورماتسياعا قارسى كۇرەستە ۇزدىك تاجىريبەلەردى تالقىلاۋعا باعىتتالعان.