فۋكۋي پرەفەكتۋراسى 15 اۋدانىنىڭ 64 مىڭنان استام تۇرعىنى نوسەر جاۋىن سالدارىنان ەۆاكۋاتسيالانۋعا ءماجبۇر, دەپ حابارلايدى Egemen.kz The Mainichi-گە سىلتەمە جاساپ.
جاپونيانىڭ مەتەورولوگيا اگەنتتىگى نوسەر جاڭبىردىڭ كوپ تۇسكەنى تۋرالى قىسقا ۋاقىت ىشىندە ەسكەرتۋ جاسادى. مۇنداي مالىمدەمە تاڭعى ساعات 6:10-عا دەيىن فۋكۋي قالاسىنىڭ اۋداندارىنا شامامەن 100 ميلليمەتر جاۋىن-شاشىن تۇسكەننەن كەيىن جاسالدى.
ەۆاكۋاتسيالاۋ تۋرالى بۇيرىق بەرۋ – 5 دەڭگەيلى ەسكەرتۋ جۇيەسىندە ماڭىزى بويىنشا ەكىنشى ەسكەرتۋ. فۋكۋي پرەفەكتۋراسىندا 150 ميلليمەترگە دەيىن جاۋىن-شاشىن, توياما جانە يسيكاۆا پرەفەكتۋرالارىندا 100 ميلليمەترگە دەيىن جاۋىن-شاشىن بولادى دەپ كۇتىلۋدە.