قالا قۇرىلىسىن باقىلاۋ باسقارماسىنىڭ حابارلاۋىنشا, گورنوۆوستوچنايا كوشەسىنىڭ شىعىسى, گورنايا كوشەسى مەكەنجايى بويىنشا كولىك تۇراعى يەسىنىڭ جەر پايدالانۋ مەرزىمى اياقتالدى, دەپ حابارلايدى Egemen.kz.
«مەرزىمى اياقتالعاننان كەيىن جەر پايدالانۋشى جەر قاتىناستارى باسقارماسىنا ونى ۇزارتۋ تۋرالى ءوتىنىش بەرگەن, الايدا بۇل ءوتىنىش ماقۇلدانعان جوق. جقب-دان ءتيىستى حابارلاما الىپ, ءبىز الماتى قالاسىنىڭ مامانداندىرىلعان اۋدانارالىق ەكونوميكالىق سوتىنا شاعىم تۇسىردىك. سوت شەشىمى بويىنشا قازىرگى تاڭدا اۆتوتۇراقتى بولشەكتەۋ جۇمىستارى جۇرگىزىلۋدە», دەپ حابارلادى الماتى قالاسى قالا قۇرىلىسىن باقىلاۋ باسقارماسىنىڭ ءباسپاسوز قىزمەتى.
بۇرىنعى اۆتوتۇراق شامامەن 1,3 گەكتار مەملەكەتتىك جەردى يەمدەنگەن.