بوكستان قازاقستان كومانداسىنىڭ تاعى ءبىر مۇشەسى ءۇشىن توكيو وليمپياداسى سوڭىنا جەتتى. ريو وليمپياداسىنىڭ كۇمىس جۇلدەگەرى ۆاسيلي لەۆيت توكيو ويىندارىنىڭ ءبىرىنشى اينالىمىندا ءسۇرىندى , دەپ حابارلايدى Egemen.kz.
91 كەلىدە باق سىناعان بىلعارى قولعاپ شەبەرى لەۆيت يسپانيا نامىسىن قورعاعان كۋبالىق ەممانۋەل رەيەسكە قارسى شىققان بولاتىن.
كەزدەسۋدىڭ ءبىرىنشى راۋندى 3:2 ەسەبىمەن قارسىلاس پايداسىنا اياقتالدى. ال ەكىنشى راۋندتىڭ باسىندا قارسىلاسىنىڭ اۋىر سوققىسىن وتكىزىپ العان لەۆيتكە تورەشىلەر تەحنيكالىق نوكاۋت جازدى.
جەكپە-جەك مەرزىمىنەن بۇرىن اياقتالىپ, يسپانيا وكىلى كەلەسى اينالىمعا جولداما الدى.