قازاقستاندا وتكەن اپتا ىشىندە 12 ادام ءولتىرۋ قىلمىسى اشىلدى. بۇل تۋرالى قر ىشكى ىستەر مينيسترلىگىنىڭ وكىلى شۇعىلا بەرىكقىزى ءمالىم ەتتى, دەپ حابارلايدى Egemen.kz.
«وتكەن اپتادا ەل اۋماعىندا 3226 قىلمىس جاسالدى, ونىڭ 2225-ءى تاۋلىك ىشىندە اشىلدى. پوليتسيا قىزمەتكەرلەرى ء«ىزىن سۋىتپاي» 12 كىسى ءولتىرۋدى, 8 ولىمگە اكەپ سوققان دەنساۋلىققا قاساقانا اۋىر زيان كەلتىرۋدى, 2 قاراقشىلىق, 44 توناۋ جانە 466 بوتەن م ۇلىكتى ۇرلاۋ قىلمىسىن اشتى», دەپ مالىمدەدى ش. بەرىكقىزى ءىىم-دە ونلاين وتكەن ءباسپاسوز ءماسليحاتىندا.
ءباسپاسوز ءماسليحاتى بارىسىندا ەلدەگى تۇرمىستىق زورلىق-زومبىلىق ماسەلەسى نازارعا الىندى. مينيسترلىك وكىلىنىڭ ايتۋىنشا, اتالعان پروبلەماعا قاتىستى زاڭناما 2009 جىلى قابىلدانىپ, سودان بەرى وعان 12 مارتە تولىقتىرۋ مەن وزگەرتۋلەر ەنگىزىلدى.
قر ءىىم اكىمشىلىك پوليتسيا كوميتەتى توراعاسىنىڭ ورىنباسارى الەكسەي ميليۋك ەلىمىزدە تۇرمىستىق زورلىق-زومبىلىققا قاتىستى جاۋاپكەرشىلىكتىڭ كۇشەيتىلەتىنىن ايتتى.
«قولدانىستاعى زاڭناماعا سايكەس, قۇقىق قورعاۋ ورگاندارى اكىمشىلىك ءىستى زارداپ شەگۋشىنىڭ ءوتىنىشىنسىز دە جۇرگىزە الادى. دەگەنمەن, وتباسىلىق زورلىق-زومبىلىق كورگەن ايەل, ياعني زارداپ شەگۋشى, كوپ جاعدايدا كۇيەۋىنە پسيحولوگيالىق, قارجىلىق جاعىنان تاۋەلدى بولعاندىقتان ماسەلەنى ۋشىقتىرعىسى كەلمەي, تاتۋلاسۋعا كەلىسىمىن بەرەدى. وتكەن جىلى بىزگە ەل بويىنشا تۇرمىستىق زورلىق-زومبىلىق قۇربانىمىن دەپ جازىلعان 190 مىڭ ءوتىنىش كەلىپ ءتۇستى. سونىڭ تورتتەن ءبىرى عانا سوتقا دەيىنگى تەرگەۋگە جىبەرىلدى. جالپى, زورلىق-زومبىلىققا قاتىستى اكىمشىلىك ءىس جۇرگىزۋدىڭ 60 پايىزى ەكى جاقتىڭ تاتۋلاسۋىنا بايلانىستى توقتايدى. وسى ورايدا ءبىز تۇرمىستىق زورلىق-زومبىلىق ورىن العان جاعدايدا ەكى جاقتىڭ تاتۋلاسۋ پروتسەسىن قايتا قاراۋدى قولعا الىپ جاتىرمىز. ياعني, الداعى ۋاقىتتا كۇيەۋى تاراپىنان ايەلىنە قول كوتەرۋ قايتالانعان جاعدايدا تاتۋلاسۋعا رۇقسات بەرمەۋ جوسپاردا بار», دەپ ءتۇسىندىردى الەكسەي ميليۋك.