تەننيستەن قازاقستاننىڭ ءبىرىنشى راكەتكاسى ەلەنا رىباكينا توكيو ويىندارىن ءساتتى جالعاستىرۋدا, دەپ حابارلايدى Egemen.kz.
قازاقستاندىق تەننيسشى ەكىنشى اينالىمدا شۆەتسيا وكىلى رەبەككا پەتەرسونمەن كەزدەسىپ, ەكى سەتكە سوزىلعان ماتچتا جەرلەسىمىز 6:2, 6:3 ەسەبىمەن جەڭىسكە جەتتى. كەزدەسۋ 1 ساعات 14 مينۋتقا سوزىلدى.
ايتا كەتەيىك, ەلەنا رىباكينا تەننيستەن قازاقستان ايەلدەر كومانداسىنىڭ توكيو وليمپياداسىندا قالعان جالعىز وكىلى. بۇعان دەيىن زارينا دياس, ياروسلاۆا شۆەدوۆا جانە يۋليا پۋتينتسەۆا جارىستى جالعاستىرۋدان باس تارتقان بولاتىن.