ساداق اتۋدان قازاقستان ەرلەر قۇراماسى وليمپيادا ويىندارىندا كوماندالىق سايىستا جەڭىلىس تاپتى, دەپ حابارلايدى Egemen.kz.
26 شىلدە كۇنى توكيو وليمپياداسىندا وتاندىق ساداقشىلار ەرلەر اراسىندا كوماندالىق سايىس بويىنشا باق سىنادى. ءۇندىستان قۇراماسىنا قارسى ويىندا قازاقستان قارسىلاستارىنا 6:2 ەسەبىمەن ەسە جىبەردى.
كوماندالىق باسەكەدە ەل قۇراما ساپىنان جارىس جولىنا سانجار مۇساەۆ, يلفات ابدۋللين جانە دەنيس گانكين شىقتى.
ايتا كەتەرلىگى, اتالعان سپورتشىلار جەكەلەي سايىس بويىنشا جارىستى جالعاستىرادى. ساداق اتۋدان جەكەلەي جارىستىڭ كەلەسى اينالىمى 27 جانە 29 شىلدە كۇندەرى وتەدى.