ءبىلىم جانە عىلىم مينيسترلىگىنىڭ Facebook-تەگى رەسمي پاراقشاسىندا مەملەكەتتىك گرانت تاعايىنداۋ كونكۋرسىنا قاتىساتىن ۇمىتكەرلەرگە ارنالعان ۇندەۋ جاريالاندى, دەپ حابارلايدى Egemen.kz.
«قۇرمەتتى ءبىلىم بەرۋ گرانتىن تاعايىنداۋ كونكۋرسىنا قاتىسۋشىلار!
App.testcenter.kz سايتىنداعى جەكە كابينەتىڭىزدەن (ۇبت-عا تىركەلگەن كەزدەگى لوگين/قۇپياسوزدى ەنگىزۋ ارقىلى) گرانتقا قاتىسۋ ءوتىنىشىڭىزدىڭ مارتەبەسىن كورە الاسىزدار. تاڭدالعان جوعارى وقۋ ورنى مەن ءبىلىم بەرۋ باعدارلامالارىنىڭ توپتارى (حالىقارالىق سەرتيفيكاتتاردىڭ ەسكەرىلۋى, كۆوتالاردىڭ قاراستىرىلۋى, باسىم قۇقىق يەگەرى كاتەگورياسىنىڭ بەلگىلەنۋى بار بولعان جاعدايدا) سىندى اقپاراتتى كورۋگە بولادى. اقپارات شىقپاعان جاعدايدا قۇجات قابىلدايتىن جوو رەتىندە تاڭداعان وقۋ ورنىنا حابارلاسۋىڭىزعا بولادى», دەلىنگەن مينيسترلىك حابارلاماسىندا.
ەسكە سالا كەتسەك, بيىل ءبىلىم گرانتىن تاعايىنداۋ كونكۋرسىنا 100 مىڭعا جۋىق ءوتىنىش كەلىپ تۇسكەن.