ەۋروپالىق دارىلىك زاتتار اگەنتتىگى Moderna كومپانياسىنان 12-17 جاس ارالىعىنداعى بالالاردى كوروناۆيرۋسقا قارسى ۆاكتسيناتسيالاۋعا ارنالعان «Spikevax» پرەپاراتىن ماقۇلدادى, دەپ حابارلايدى Egemen.kz ەۋروپالىق ءدارى-دارمەك اگەنتتىگىنە سىلتەمە جاساپ.
12 مەن 17 جاس ارالىعىنداعى بالالاردا «Spikevax» ۆاكتسيناسىن قولدانۋ 18 جاستان اسقان ادامدارمەن بىردەي بولادى. پرەپارات ءتورت اپتا ارالىقپەن يىققا ەكى ينەكتسيا ارقىلى ەنگىزىلەدى.
«Spikevax» تيىمدىلىگىن زەرتتەۋگە 12 جاستان 17 جاسقا دەيىنگى 3732 بالا قاتىستى. ەۋروپالىق ءدارى-دارمەك اگەنتتىگى ۇسىنعان اقپاراتتا پرەپارات 12-17 جاس ارالىعىنداعى بالالاردا 18-25 جاس ارالىعىنداعى جاستاردا (SARS-CoV-2-گە قارسى انتيدەنەلەر دەڭگەيى بويىنشا) بايقالعان رەاكتسيامەن سالىستىرمالى انتيدەنە رەاكتسياسىن تۋدىردى دەپ كورسەتىلگەن.
ۆاكتسينا العان 2163 بالادا COVID-19 دامىماعان. بۇل ناتيجەلەرگە سايكەس 12-17 جاس ارالىعىنداعى بالالارداعى «Spikevax» تيىمدىلىگى ەرەسەكتەرگە ارنالعان ۆاكتسيناعا ۇقساس دەگەن قورىتىندى جاساۋعا بولادى.
بۇعان دەيىن ەۋروپالىق رەتتەۋشى امەريكالىق Pfizer كومپانياسىنىڭ 12-17 جاستاعى بالالارعا ارنالعان ۆاكتسيناسىن ماقۇلداعان بولاتىن.