وبلىستىق دەنساۋلىق ساقتاۋ باسقارماسىنىڭ ءباسپاسوز قىزمەتىنىڭ مالىمەتىنە سۇيەنسەك, 278 ناۋقاس اتىراۋ قالاسىندا انىقتالىپ وتىر. ال, تەڭىز كەن ورنىندا 29 ناۋقاس تىركەلگەن, دەپ جازادى Egemen.kz.
جىلىوي اۋدانىندا 86, يندەردە – 23, يساتايدا – 23, قۇرمانعازىدا – 19, ماحامبەتتە – 19, قىزىلقوعادا – 6, ماقات اۋدانىندا 6 ادامنان كوروناۆيرۋس ينفەكتسياسىنىڭ بەلگىسى تابىلدى.
«قازىر ۇيىندە ەمدەلۋ ءۇشىن 2848 ادام وقشاۋلاندى. اۋداندارداعى ينفەكتسيالىق ستاتسيونارلاردا 295, ال, №2 وبلىستىق اۋرۋحانادا 207, مودۋلدىك اۋرۋحانادا 197, كارديولوگيالىق ورتالىقتا 110, تەمىرجول اۋرۋحاناسىندا 108, فتيزيوپۋلمانولوگيالىق ورتالىقتا 100 ناۋقاس ەمدەلىپ جاتىر. تەڭىز كەن ورىنداعى ستاتسيوناردا جاتقان پاتسيەنتتەردىڭ سانى 165 ادامعا جەتتى», دەپ حابارلادى باسقارمانىڭ ءباسپاسوز قىزمەتى.