نۇر-سۇلتانداعى ءتورتىنشى قاباتتىڭ تەرەزەسىنەن ەكى جاسار قىز قۇلادى, دەپ حابارلايدى Egemen.kz Polisia.kz سايتىنا سىلتەمە جاساپ.
20 شىلدەدە قالالىق بالالار اۋرۋحاناسىنا بىرنەشە جاراقات العان ەكى جاسار قىز جەتكىزىلدى. پوليتسيا قىزمەتكەرى وقيعا ورىن العان ساتتە بالانىڭ اناسى ۇيدەن دۇكەنگە شىعىپ, قىزىن ۇيدە جالعىز قالدىرعانىن انىقتادى. بالا اشىق تەرەزەدەگى موسكيت تورىنا سۇيەنىپ, ءتورتىنشى قاباتتىڭ تەرەزەسىنەن قۇلاعان.
ءدال سول كۇنى ءتورت جاسار بالا ءبىرىنشى قاباتتاعى بالكوننىڭ تەرەزەسىنەن قۇلاپ ءتۇستى. بالا اۋىر جاراقات العان جوق. دەسەك تە, بالا پاتەردە ەرەسەكتەرمەن بىرگە بولدى. اتا-انالار اس ۇيدە كەشكى اس ءىشىپ وتىرعاندا, بالا قوناق بولمەسىندە ويناپ جۇرگەن.
پوليتسيا قىزمەتكەرلەرى حابارلاعانداي, جىل باسىنان بەرى ەلوردادا كوپقاباتتى ۇيلەردىڭ تەرەزەسىنەن 13 بالا قۇلاپ, ءبىر بالا كوز جۇمدى.
«پوليتسيا دەپارتامەنتى اتا-انالارمەن ۇنەمى پروفيلاكتيكالىق جۇمىستار جۇرگىزىپ, قاۋىپسىزدىك شارالارى تۋرالى ەسكەرتەدى. اسىرەسە جاز ايلارىندا بالالاردىڭ تەرەزەدەن قۇلاۋىمەن بايلانىستى جازاتايىم وقيعالاردىڭ ءوسۋى بايقالادى. قۇرمەتتى اتا-انالار, ساق بولىڭىزدار! بالالاردى قاراۋسىز قالدىرماڭىزدار», دەدى نۇر-سۇلتان قالاسى پد يۋۆەنالدى پوليتسيا باستىعى نەلليا دوششانوۆا.