سەيسەنبى كۇنى نيۋ-يوركتەگى فەدەرالدى سوتتا ەكس-پرەزيدەنت دونالد ترامپتىڭ بۇرىنعى كەڭەسشىسى توماس بارراك جانە باسقا دا ازاماتتاردىڭ بىرىككەن اراب امىرلىكتەرىنىڭ اقش-تاعى مۇددەلەرىن زاڭسىز لوببيلەگەنى تۋرالى ايىپتاۋ قورىتىندىسى جاريالاندى, دەپ حابارلايدى Egemen.kz اقش ادىلەت مينيسترلىگىنە سىلتەمە جاساپ.
بارراكتىڭ ۇستالعانى تۋرالى دا حابارلاندى.
لوببيزم ءباا شەنەۋنىكتەرىنىڭ نۇسقاۋى بويىنشا 2016 جىلعى پرەزيدەنتتىك سايلاۋدا سول كەزدەگى ۇمىتكەرگە اسەر ەتۋ ارقىلى جۇزەگە اسىرىلدى.
قۇجاتتا بارراك جانە تاعى ءۇش ادامنىڭ 2016 جىلدىڭ ءساۋىرى مەن 2018 جىلدىڭ ءساۋىرى ارالىعىندا ءباا اگەنتتەرى رەتىندە ارەكەتتەرى ءۇشىن ايىپتالعانى جايىندا جازىلعان.
بارراك سونىمەن قاتار سوت تورەلىگىنە كەدەرگى كەلتىردى جانە فەدەرالدى قۇقىق قورعاۋ ورگاندارىنىڭ قىزمەتكەرلەرىنە بىرنەشە رەت جالعان ايعاقتار بەردى, دەپ ايىپتالۋدا.