يسپاندىق بەنيدورم كۋرورتتىق قالاسىندا Intempo ءزاۋلىم عيماراتىنىڭ قۇرىلىسى اياقتالدى, دەپ حابارلايدى Egemen.kz. بۇل نىسان ەۋروپالىق وداقتاعى ەڭ بيىك عيمارات سانالاتىنىن جازادى The Guardian باسىلىمى.
عيماراتتىڭ قۇرىلىسى 17 جىلعا سوزىلعان. ونىڭ بيىكتىگى - 187 مەتر. قوس مۇناراسىندا يسپانياداعى ەڭ جىلدام ليفت بار. ول سەكۋندىنا 4,2 مەترگە كوتەرىلە الادى. ال جوعارعى قاباتقا 52 سەكۋندتا جەتەدى.
ءزاۋلىم عيمارات 47 قاباتتان تۇرادى. ەكى مۇنارانىڭ جوعارعى تۇسى گاۋھار ءتارىزدى قۇرىلىممەن بىرىكتىرىلگەن. وندا پەنتحاۋس پاتەردىڭ باعاسى شامامەن 2 ميلليون ەۋرونى قۇرايدى. عيماراتتىڭ باسقا قاباتىندا باعا ءبىر وبەكت ءۇشىن 257 000 ەۋرودان باستالادى. سوعان قاراماستان قۇرىلىس كەزەڭىندە Intempo عيماراتىنداعى 256 پاتەردىڭ 100-ءى الدىن الا ساتىلىپ كەتكەن.