توكيوداعى جازعى وليمپيادا ويىندارى اياسىندا العاشقى جارىس باستالدى. سوفتبولدان جاپونيا ايەلدەر كومانداسى اۆستراليانى ايقىن باسىمدىقپەن جەڭدى, دەپ جازادى Olympic.kz.
كەزدەسۋ 8:1 ەسەبىمەن اياقتالدى. سوفتبول باسەكەلەرى 21-27 شىلدە ارالىعىندا وتەدى. التى ايەلدەر كومانداسى ءبىر جۇلدە جيىنتىعىن ساراپقا سالادى. ال ەرلەر بەيسبولدا باق سىنايدى.
سونداي-اق بۇگىن ايەلدەر كومانداسى اراسىنداعى فۋتبول باسەكەسى دە باستالادى.
توكيو وليمپياداسىنىڭ اشىلۋ سالتاناتى 23 شىلدەگە جوسپارلانعان. الايدا, سپورتتىق جارىستار اشىلۋ سالتاناتىنان بۇرىن باستالىپ كەتەدى. بۇل, اسىرەسە, كوماندالىق ويىن تۇرلەرىندەگى سپورتشىلارعا تىكەلەي قاتىستى.