سارسەنبىدە ەلىمىزدە كۇن ىستىق بولادى, كەي جەرلەردە جەل كۇشەيىپ, جاڭبىر جاۋى ىقتيمال, دەپ حابارلايدى Egemen.kz قازگيدرومەتكە سىلتەمە جاساپ.
21 شىلدەدە كوشپەلى تسيكلوننىڭ اتموسفەرالىق اعىندارىنا بايلانىستى قازاقستاننىڭ باسىم بولىگىندە قۇبىلمالى اۋا رايى بولادى. وتكىنشى جاڭبىر جاۋادى, نايزاعاي جارقىلدايدى, كەي جەرلەردە بۇرشاق جاۋادى, تەك ەلىمىزدىڭ سولتۇستىگىندە كۇن رايى اشىق بولادى. ەلىمىزدىڭ وڭتۇستىگى مەن وڭتۇستىك-باتىسىندا شاڭدى داۋىل سوعادى, سولتۇستىكتە تۇندە جانە تاڭەرتەڭ تۇمان ءتۇسۋى مۇمكىن.
شىعىس قازاقستان, قاراعاندى وبلىستارىنىڭ كەي جەرلەرىندە نايزاعاي جارقىلدايدى, جەل 15-20 م/س كۇشەيەدى, كۇندىز داۋىل سوعىپ, بۇرشاق جاۋى ىقتيمال.
جامبىل, تۇركىستان وبلىستارىنىڭ تاۋلى اۋداندارىندا نايزاعاي ويناپ, كەي جەرلەردە جەل 15-20 م/س كۇشەيەدى, شاڭدى داۋىل سوعادى, جامبىل وبلىسىندا كۇندىز تاۋلى اۋدانداردا بۇرشاق جاۋادى.
كۇندىز ماڭعىستاۋ وبلىسىندا نايزاعاي ويناپ, شاڭدى داۋىل سوعۋى مۇمكىن, جەل 15-20 م/س كۇشەيەدى.
كۇندىز قىزىلوردا وبلىسىنىڭ كەي جەرلەرىندە جەل 15-20 م/س كۇشەيەدى. اتىراۋ, باتىس قازاقستان, كۇندىز الماتى وبلىسىنىڭ كەي جەرلەرىندە نايزاعاي جارقىلايدى.
سولتۇستىك قازاقستان وبلىسىندا تۇندە جانە تاڭەرتەڭ كەي جەرلەردە تۇمان ءتۇسۋى مۇمكىن.
كۇندىز اقتوبە, اتىراۋ, باتىس قازاقستان, ماڭعىستاۋ وبلىستارىنىڭ باسىم بولىگىندە قاتتى ىستىق بولادى, وڭتۇستىك وبلىستاردا قاتتى ىستىق بولادى. الماتى وبلىسىندا, قاراعاندى وبلىسىنىڭ كەي جەرلەرىندە, قوستاناي وبلىسىنىڭ وڭتۇستىگىندە قاتتى ىستىق بولادى.
قىزىلوردا, تۇركىستان, ماڭعىستاۋ, جامبىل وبلىستارىنىڭ باسىم بولىگىندە, الماتى, اتىراۋ, باتىس قازاقستان, اقتوبە, قوستاناي, قاراعاندى, اقمولا وبلىستارىنىڭ كەي جەرلەرىندە, شىعىس قازاقستان وبلىسىنىڭ وڭتۇستىگىندە توتەنشە ءورت قاۋپى ساقتالادى.