«باتىس» وڭىرلىك قولباسشىلىعىنىڭ بارلاۋشىلارى قول گراناتاسىن لاقتىرۋ جاتتىعۋىن وتكىزدى, دەپ حابارلايدى Egemen.kz.
وڭىرلىك قولباسشىلىقتىڭ ءباسپاسوز قىزمەتىنەن ءمالىم ەتكەندەي, بارلاۋ بولىمشەلەرىنىڭ جەكە قۇرامى «قاراباتان» پوليگونىندا رگد-5 جارىقشاقتى قول گراناتانى لاقتىرۋعا ارنالعان اتىس جاتتىعۋىنا قاتىستى.
اتىراۋداعى №41433 اسكەري ءبولىمىنىڭ كومانديرى, پودپولكوۆنيك ەسبولات نۇرەكەشەۆتىڭ ايتۋىنشا, جاتتىعۋ الدىندا اسكەري قىزمەتشىلەر گراناتالاردىڭ جالپى قۇرىلىمى, قولدانۋ ەرەجەلەرى, قاۋىپسىزدىك شارالارىنىڭ تالاپتارى مەن لاقتىرۋ تەحنيكاسىمەن تانىستى. جاتتىعۋدىڭ شارتىنا سايكەس, 25 مەتر قاشىقتىقتاعى ءۇش فيگۋرالى نىسانانى جويۋ قاجەت. ال, «گراناتانى لاقتىر» پارمەنىنەن كەيىنگى ارەكەت 30 سەكۋندتان اسپاۋى كەرەك.
«جەكە قۇرام جوعارى دايىندىق پەن جاقسى ناتيجە كورسەتتى. مەرزىمدىك اسكەري قىزمەتتەگى جاۋىنگەرلەر ءۇشىن بۇل سىناق قىزىقتى بولدى» دەيدى ەسبولات نۇرەكەشەۆ.