ىلە الاتاۋى تاۋلارىنداعى مانشۇك مامەتوۆا شىڭىنا جالعىز اتتانعان ەر ادام تابىلدى, دەپ حابارلايدى Egemen.kz.
مينيسترلىك مالىمەتىنشە, رەسپۋبليكالىق جەدەل-قۇتقارۋ جاساعىنىڭ قۇتقارۋشىلارى جوعالىپ كەتكەن ەر ادامدى م. مامەتوۆا شىڭىنىڭ مۇزدىعىنان تاپقان.
«بۇگىن مۇزدىقتى تەكسەرۋ كەزىندە رجقج قىزمەتكەرلەرىنىڭ جاياۋ توبى ەر ادامدى تاپتى. ول قاتتى توڭىپ قالعان, قۇتقارۋشىلار وعان جىلى كيىم بەردى. مەديتسينالىق كومەككە مۇقتاج بولعان جوق. بۇگىندە رجقج جەدەل توبى تاۋدان تۋريستپەن بىرگە ءتۇسىپ كەلە جاتىر», دەلىنگەن حابارلامادا.
ەسكە سالايىق, 18 شىلدەدە تۋريست ىلە الاتاۋى تاۋلارىندا جوعالىپ كەتكەن بولاتىن. ىزدەستىرۋدى رجقج قۇتقارۋشىلارى الپينيزم فەدەراتسياسىنىڭ الپينيستەرىمەن بىرلەسىپ جۇرگىزدى. جوعالعان ادامدى ىزدەستىرۋگە «قازاۆياقۇتقارۋ» اق تىكۇشاعى جۇمىلدىرىلعان.