ورال قالاسى اۋماعىنداعى جىلىجايدىڭ بىرىندە رەسەي فەدەراتسياسىنىڭ ازاماتى تيىم سالىنعان ەسىرتكى وسىمدىگىن ءوسىرىپ, قولعا ءتۇستى دەپ حابارلايدى Egemen.kz.
باتىس قازاقستان پوليتسيا دەپارتامەنتىنە قاراستى ەسىرتكى قىلمىستارىمەن كۇرەس باسقارماسىنىڭ قىزمەتكەرلەرى ەسىرتكى دايىنداۋمەن اينالىسقان زەرتحانانى اشكەرەلەدى. «قاراسورا» ارنايى ءىس-شاراسى كەزىندە قولعا تۇسكەن 36 جاسار ازامات قۇرامىندا ەسىرتكى بار وسىمدىكتەردى ءۇي جاعدايىندا ءوسىرۋ تەحنولوگياسىن ابدەن جولعا قويعان ەكەن. ءتىنتۋ ناتيجەسىندە بىرنەشە ءتۇپ وسىمدىك پەن ارنايى قۇرال-جابدىق تاركىلەنگەن.
وسى وقيعا تۋرالى حابار تاراتقان پوليتسيا دەپارتامەنتىنىڭ باستىعى پوليتسيا گەنەرال-مايورى ماقسۇتحان ءابلازيموۆ كۇدىكتىنىڭ ۇستىنەن «تيىم سالىنعان وسىمدىكتەردى زاڭسىز ءوسىرۋ» بابى بويىنشا ءىس كوتەرىلگەنىن ايتتى. قازىر بىرنەشە ساراپتاما تاعايىندالعان.
باتىس قازاقستان