21 شىلدە مەن 9 تامىز ارالىعىندا نۇرسۇلتان نازارباەۆ حالىقارالىق اۋەجايىنان ۇشاتىن جولاۋشىلارعا رەيستەردىڭ كەلۋ-كەتۋ ۋاقىتىن قوسىمشا ناقتىلاپ وتىرۋ قاجەت, دەپ حابارلايدى Egemen.kz.
رەسمي مالىمەت بويىنشا, بۇعان وسى كەزەڭدە ۇشۋ-قونۋ جولاعى مەن جارىق-سيگنالدىق جابدىقتارىن جوسپارلى جوندەۋ جۇمىستارى سەبەپكەر بولماق.
«2021 جىلعى 21 شىلدە مەن 9 تامىز ارالىعىندا اۋەجايدىڭ جۇمىس ۋاقىتى تاۋلىگىنە 24 ساعاتتان 17 ساعاتقا دەيىن قىسقارتىلادى. جوندەۋ جۇمىستارى كۇن سايىن ساعات 11-دەن كەشكى 18-گە دەيىن جۇرگىزىلەدى. بۇل جۇمىستار 1 ساۋىردەن باستاپ بارلىق اۆياكومپانيالارمەن الدىن الا كەلىسىلدى, سوعان سايكەس ولار رەيستەر كەستەسىن وزگەرتتى. وسىعان بايلانىستى بارلىق جولاۋشىلاردان اۋەجايعا الدىن الا تىركەلۋگە جانە اۆياكومپانيالاردىڭ كولل-ورتالىقتارىندا رەيستەردىڭ ۇشۋ ۋاقىتى تۋرالى تولىق اقپاراتتى ناقتىلاۋدى سۇرايمىز», دەيدى اۋەجاي وكىلدەرى.
اۋەجايدىڭ ءباسپاسوز قىزمەتى جولاۋشىلاردان اتالعان وزگەرىستەرگە تۇسىنىستىكپەن قاراۋدى سۇراپ وتىر. «ۋاقىتشا قولايسىزدىقتار سەبەبىنەن كەشىرىم سۇرايمىز», دەلىنگەن رەسمي حابارلامادا.