قازاقستاندا ۇرلىق سانى 22,6%-عا ازايدى. بۇل تۋرالى ونلاين-بريفينگتە قازاقستان رەسپۋبليكاسى ىشكى ىستەر مينيسترلىگىنىڭ رەسمي وكىلى شۇعىلا تۇرلىبەك مالىمدەدى, دەپ جازادى Egemen.kz.
«كريمينالدىق پوليتسيا ەل پرەزيدەنتىنىڭ تاپسىرماسى بويىنشا ەرەكشە باقىلاۋعا الىنعان قىلمىسپەن كۇرەستىڭ تاعى ءبىر باعىتى تۋرالى حابارلادى. بۇل ۇرلىقپەن كۇرەس. ىشكى ىستەر مينيسترلىگى قابىلداعان شارالاردىڭ ناتيجەسىندە ەلدە ۇرلىق 22,6%-عا, ناقتى ايتقاندا 36 842-دەن 28 534-كە ازايدى. ونىڭ ىشىندە پاتەر توناۋ 25,7%-عا, ياعني 8293-تەن 6160-قا دەيىن تومەندەگەنى بايقالدى. بۇل جارتى جىلدىق مالىمەتتەر. جىل باسىنان بەرى پاتەرلەردەن ۇرلىق جاساعانى ءۇشىن 2186 ادام, ونىڭ ىشىندە 110 قىلمىستىق توپ ۇستالدى», دەدى ش.تۇرلىبەك.