بەيجىڭدە 53 جاستاعى ۆەتەرينار ەكسپەريمەنتتىك زەرتتەۋ جۇمىسى اياسىندا ەكى ءولى مايمىلدىڭ اۋتوپسياسىن جاساعان. ارادا ءبىر اي ۋاقىت وتكەن سوڭ, وسى جىلدىڭ ساۋىرىندە, ونىڭ بويىندا جۇرەك اينۋ, قۇسۋ جانە قىزۋ بەلگىلەرى پايدا بولعان كورىنەدى. ال 27 مامىردا ەر ادام قايتىس بولدى, دەپ حابارلايدى Egemen.kz Global Times باسىلىمىنا سىلتەمە جاساپ.
زەرتتەۋ بارىسىندا قايتىس بولعان ادامنىڭ مايمىل ۆيرۋسىن (BV) جۇقتىرعانى راستالعان. بىراق ۆەتەرينارعا جاقىن ادامداردى تەستىلەۋ كەزىندە مايمىل ۆيرۋسى انىقتالعان جوق.
مايمىل ۆيرۋسى العاش رەت 1932 جىلى انىقتالدى. ۆيرۋس مايمىلمەن تىكەلەي بايلانىس كەزىندە نەمەسە دەنە سەكرەتسيالارى ارقىلى بەرىلۋى مۇمكىن.
ايتا كەتەيىك, بۇعان دەيىن قىتايدا وسى ۆيرۋستىڭ سالدارىنان ءولىم-ءجىتىم نەمەسە كلينيكالىق راستالعان ينفەكتسيالار تىركەمەگەن.