ينفلياتسيادان ەڭ كوپ زارداپ شەككەن وڭىرلەر انىقتالدى

ۇلتتىق بانكتىڭ مالىمدەۋىنشە, ينفلياتسيا 2021 جىلى ماۋسىمدا 1,1% -دى قۇرادى, مامىردا - 0,7% بولاتىن.

ازىق-ت ۇلىك تاۋارلارىنىڭ باعاسى ءبىر ايدا 1,7%, ازىق-ت ۇلىك ەمەس تاۋارلاردىكى - 0,8%, اقىلى قىزمەتتەردىكى 0,7%-عا ءوستى.

اي سايىنعى ينفلياتسيانىڭ جەدەلدەۋى 14 ايماقتا بايقالدى, باسەڭدەۋ - ەكى ايماقتا, ءبىر ايماقتا عانا باعانىڭ ءوسۋ قارقىنى وزگەرىسسىز قالدى.

وسىلايشا, ماڭعىستاۋ وبلىسىندا باعانىڭ ءوسۋ قارقىنى وزگەرىسسىز قالدى (1,0%), ال جامبىل جانە تۇركىستان وبلىسىندا, سايكەسىنشە,  0,8% جانە 0,9% دەيىن تومەندەدى.

ماۋسىم ايىندا ينفلياتسيانىڭ ەداۋىر جەدەلدەۋى شىعىس قازاقستان (1,5% دەيىن), اتىراۋ (1,5%) جانە سولتۇستىك قازاقستان (1,4%) وبلىستارىندا بايقالدى. جىلدىق ينفلياتسيا 9 وبلىستا ۇلتتىق دەڭگەيدەن جوعارى بولىپ شىقتى. ولاردىڭ ىشىندە ەڭ جوعارى كورسەتكىش ماڭعىستاۋ, اتىراۋ جانە اقتوبە وبلىستارىندا تىركەلدى.

شىعىس قازاقستان وبلىسىندا ءسابىزدىڭ (144,3%-عا) جانە كارتوپتىڭ (111,5%-عا) باعاسى وتە قاتتى وسكەنى انىقتالدى. سەبەبى باسقا وڭىرلەردە ءسابىز باعاسى - 86,3%, كارتوپتىكى 40,7% عانا وسكەن. ال اقمولا, پاۆلودار, اتىراۋ, قىزىلوردا جانە اقتوبە وبلىستارىندا ءسابىز ەكى ەسەدەن استام قىمباتتادى.

كارتوپ باعاسىنىڭ رەسپۋبليكالىق دەڭگەيدەن جوعارى ءوسۋى پاۆلودار, اقتوبە جانە ماڭعىستاۋ وبلىستارىندا بايقالدى. جالپى قىزىلشا 47,0% قىمباتتادى, ال ماكسيمالدى ءوسىم باتىس قازاقستان وبلىسىندا تىركەلدى (113,4%).

جىل سايىنعى باعانىڭ وسۋىنە الماتى قالاسى مەن الماتى وبلىسى ۇلەس قوسۋدا. بۇل ايماقتاردا باعانىڭ ءوسۋى سايكەسىنشە 7,4% جانە 7,7% قۇرادى.