وليمپيادا قالاشىعىندا كوروناۆيرۋس جۇقتىرۋ تۋرالى ءبىرىنشى دەرەك تىركەلدى. بۇل تۋرالى توكيو وليمپياداسىنىڭ ۇيىمداستىرۋ كوميتەتى حابارلادى دەپ جازادى Egemen.kz كيودو اگەنتتىگىنە سىلتەمە جاساپ.
توكيو-2020 كومپانياسىنىڭ باس ديرەكتورى توشيرو مۋتو ەل استاناسىنداعى سكرينينگتىك تەكسەرۋ كەزىندە شەتەلدەن كەلگەن دەلەگاتسيا مۇشەسىنەن كوروناۆيرۋس انىقتالعانىن, بىراق ادامنىڭ ۆاكتسينا مارتەبەسى تۋرالى حاباردار ەمەستىگىن ايتتى.
ۇيىمداستىرۋ كوميتەتى سونىمەن 15 ادامنىڭ ۆيرۋس جۇقتىرعانى تۋرالى حابارلادى. ونىڭ جەتەۋى - مەردىگەر, التاۋى - دەلەگاتسيا مۇشەسى, ەكەۋى - جۋرناليست. سەگىزى ويىنعا شەتەلدەن كەلگەن جانە جاپونيادا ەكى اپتادان از ۋاقىت بولعان, ال جەتەۋى - جاپونيا تۇرعىنى.
جالپى, 1 شىلدەدەن باستاپ ۇيىمداستىرۋشىلار COVID-19 ينفەكتسياسىنىڭ 45 جاعدايىن جاريالادى.
8 شىلدەدە جاپونياعا كەلگەن حوك پرەزيدەنتى توماس باح جاپونيا پرەمەر-ءمينيسترى يوسيحيدە سۋگاعا وليمپيادا قالاشىعى تۇرعىندارىنىڭ 85 پايىزى COVID-19-قا قارسى تولىق ۆاكتسيناتسيا الاتىنىن ايتتى.
ايتا كەتەيىك, بۇگىن وليمپيادا قالاشىعى سپورتشىلاردى قابىلداي باستادى.